பார்படாஸில் இருந்து இந்திய அணி நாளை டெல்லி வந்தடையக்கூடும் என்று எதிர்பார்க்கப்படுகிறது
செய்தி முன்னோட்டம்
சமீபத்திய தகவல்களின்படி, பார்படாஸில் நிலவி வரும் புயல் நிலை காரணமாக இந்திய அணி புறப்படுவது தாமதமானது.
இந்த நிலையில் அணி நாளை, ஜூலை 4, வியாழன் டெல்லி வந்தடைவார்கள் என்று எதிர்பார்க்கப்படுகிறது.
பார்படாஸ் பகுதியில் பெரில் சூறாவளி தாக்கியதால் காரணமாக இந்திய அணி பார்படாஸில் இருந்து புறப்பட்டு டெல்லிக்கு வருவது மேலும் தாமதமாகிறது.
முன்னதாக அவர்கள் செவ்வாய்க்கிழமை உள்ளூர் நேரப்படி மாலை 6 மணிக்கு பார்படாஸில் இருந்து புறப்பட்டு புதன்கிழமை மாலைக்குள் டெல்லியை அடைவார்கள் என்று எதிர்பார்க்கப்படுவதாக தெரிவிக்கப்பட்டது.
இருப்பினும், இந்த திட்டம் மாற்றப்பட்டு, ஜூலை 4, வியாழன் அதிகாலைக்கு பின்னரே அணி டெல்லிக்கு வந்தடையும் என தற்போது கூறப்பட்டுள்ளது.
ஏர் இந்தியா விமானம்
புயல் காரணமாக அமெரிக்காவில் நிறுத்திவைக்கப்பட்டிருந்த விமானம்
சனிக்கிழமையன்று நடந்த இறுதிப் போட்டியில் தென்னாப்பிரிக்காவைத் தோற்கடித்த பின்னர் இந்தியா அணி, ஞாயிற்றுக்கிழமை இந்தியாவுக்குச் செல்ல வேண்டியிருந்தது.
ஆனால் சூறாவளி காரணமாக அனைத்து விமானங்களும் ரத்து செய்யப்பட்ட நிலையில் விமான நிலையமும் மூடுபட்டது.
தற்போதைய செய்திப்படி, ஜூலை 2 ஆம் தேதி நியூஜெர்சியில் இருந்து புறப்பட்ட விமானம் உள்ளூர் நேரப்படி அதிகாலை 2 மணியளவில் பார்படாஸில் தரையிறங்கும் என்று எதிர்பார்க்கப்படுகிறது.
விமானம் பார்படாஸில் இருந்து அதிகாலை 4:30 மணிக்கு (உள்ளூர் நேரம்) புறப்படும் என்று எதிர்பார்க்கப்படுகிறது.
டெல்லியை அடைவதற்கு 16 மணி நேரப் பயண நேரம் ஆகும். புறப்படுவதில் தாமதம் ஏதும் இல்லை என்றால் டெல்லியில் இந்திய அணி வியாழக்கிழமை காலை 6 மணிக்கு (ஐஎஸ்டி) தரையிறங்கும்.