பாகிஸ்தானுக்கு எதிரான முதல் பயிற்சிப் போட்டியை வென்றது நியூசிலாந்து
செய்தி முன்னோட்டம்
ஒருநாள் உலக கோப்பைக்கான பயிற்சிப் போட்டிகள் இன்று முதல் தொடங்கியிருக்கின்றன. இன்று மூன்று பயிற்சிப் போட்டிகள் நடைபெற்ற நிலையில், பாகிஸ்தான் மற்றும் நியூசிலாந்து அணிகளுக்கு இடையே மூன்றாவது போட்டி நடைபெற்றது.
இன்றைய பயிற்சிப் போட்டியில் டாஸ் வென்ற பாகிஸ்தான் அணியின் கேப்டன் பாபர் அஸாம் முதலில் பேட்டிங்கைத் தேர்ந்தெடுத்தார்.
முதலில் பேட் செய்த பாகிஸ்தான் அணியானது, கேப்டன் பாபர் அஸாமின் 80 ரன்கள் மற்றும் விக்கெட் கீப்பர் முகமது ரிஸ்வானின் 103 ரன்களுடன், 50 ஓவர்கள் முடிவில் 5 விக்கெட்டுகள் இழப்பிற்கு 345 ரன்களைக் குவித்தது.
அதிகபட்சமாக நியூசிலாந்து அணியின் சுழற்பந்து வீச்சாளர் மிட்செல் சாண்ட்னர் 2 விக்கெட்டுகளை வீழ்த்தியிருந்தார். இதனைத் தொடர்ந்து, 346 என்ற இலக்கோடு இரண்டாம் இன்னிங்ஸில் களமிறங்கியது நியூசிலாந்து.
கிரிக்கெட்
எளிதாக இலக்கை எட்டி நியூசிலாந்து:
இரண்டாவதாகக் களமிறங்கிய நியூசிலாந்து அணியின் தொடக்க ஆட்டக்காரரான ரச்சின் ரவீந்திரா நூலிழையில் சதத்தைத் தவறவிட்டார். மேலும், 134 என்ற சிறப்பான ஸ்ட்ரைக் ரேட்டில் 97 ரன்களைக் குவித்திருந்தார் அவர்.
சீராக விளையாடிய நியூசிலாந்து அணியின் பேட்டர்களான கேன் வில்லியம்சன், டேரில் மிட்சல் மற்றும் மார்க் சாப்மன் ஆகியோர் அரைசதம் கடந்தனர்.
அதிகபட்சமாக பாகிஸ்தான் அணியின் சுழற்பந்து வீச்சாளர் உசாமா மிர் 2 நியூசிலாந்துக்கு எதிராக இரண்டு விக்கெட்டுகளை வீழ்த்தினார்.
இறுதியில் ஐந்து விக்கெட்டுகள் இழப்பிற்கு 43.4 ஓவர்களில் இலக்கை சேஸ் செய்து பாகிஸ்தானுக்கு எதிரான முதல் பயிற்சிப் போட்டியை வென்றது நியூசிலாந்து.