ஆஃப்கானிஸ்தான் தொடர் மற்றும் ஆசிய விளையாட்டு போட்டி: பும்ரா கம்பேக்! ஹர்ஷித் ராணா விலகல்
செய்தி முன்னோட்டம்
இந்திய கிரிக்கெட் அணியின் முதன்மை வேகப்பந்து வீச்சாளர் ஜஸ்பிரித் பும்ரா முழு உடற்தகுதி பெற்றுள்ளதாக அறிவிக்கப்பட்டுள்ளது. இதன் மூலம் ஆஃப்கானிஸ்தானுக்கு எதிரான 3 போட்டிகள் கொண்ட டி20 தொடர் மற்றும் 2026 ஆசிய விளையாட்டு போட்டிகளுக்கான இந்திய அணியில் அவர் விளையாடவுள்ளார். அதேவேளையில், இளம் வேகப்பந்து வீச்சாளர் ஹர்ஷித் ராணா காயத்தில் இருந்து மீண்டு பிசிசிஐ மையத்தில் பயிற்சி பெற்று வந்த நிலையில், செப்டம்பர் 7 அன்று நடைபெற்ற மாதிரிப் போட்டியின் போது மீண்டும் தசைநார் காயத்தால் பாதிக்கப்பட்டார். இதன் காரணமாக அவர் இரு தொடர்களில் இருந்தும் விலகியுள்ளார். அவருக்கு பதிலாக விதர்பா அணியை சேர்ந்த 27 வயதான வேகப்பந்து வீச்சாளர் யாஷ் தாக்குர் அணியில் சேர்க்கப்பட்டுள்ளார்.
விவரங்கள்
அணியின் முக்கிய விவரங்கள்
கேப்டன் & வைஸ்-கேப்டன்: ஷ்ரேயாஸ் ஐயர் கேப்டனாகவும், திலக் வர்மா துணை கேப்டனாகவும் நியமிக்கப்பட்டுள்ளனர்.
வேகப்பந்து வீச்சு கூட்டணி: பும்ரா, அர்ஷ்தீப் சிங் மற்றும் யாஷ் தாக்குர் வேகப்பந்து வீச்சை வழிநடத்துவர்.
அணி விவரம்: சஞ்சு சாம்சன், இஷான் கிஷன், அபிஷேக் சர்மா, வைபவ் சூரியவன்ஷி, சிவம் துபே, நிதீஷ் குமார் ரெட்டி, அக்சர் படேல், வாஷிங்டன் சுந்தர், வருண் சக்கரவர்த்தி, ரவி பிஷ்னோய் ஆகியோர் இடம் பெற்றுள்ளனர்.
பும்ராவின் வருகை இந்திய அணிக்கு மிகப்பெரிய பலமாக பார்க்கப்படும் நிலையில், ஆசிய விளையாட்டுப் போட்டிகளிலும் இந்திய அணி தங்கம் வெல்லும் முனைப்பில் களமிறங்குகிறது.