மூவர்ணக் கொடியுடன் இந்திய அணிக்கான புதிய ஜெர்சியை அறிமுகம் செய்தது அடிடாஸ்
அடுத்த மாதம் நடைபெறவுள்ள ஒருநாள் உலகக்கோப்பையில் பங்கேற்கும் இந்திய கிரிக்கெட் அணியின் புதிய ஜெர்சியை அடிடாஸ் நிறுவனம் புதன்கிழமை (செப்.20) வெளியிட்டது. இந்திய கிரிக்கெட்டில் ஒரு புதிய சகாப்தத்தின் தொடக்கத்தைக் குறிக்கும் வகையில், கடந்த மே 23இல் இந்தியாவின் புதிய கிட் ஸ்பான்சராக அடிடாஸை பிசிசிஐ ஒப்பந்தம் செய்தது. முந்தைய கிட் ஸ்பான்சரான எம்பிஎல், அதன் ஒப்பந்தத்தை 2023இல் முடித்துக் கொண்ட பிறகு இந்த புதிய ஒப்பந்தம் அமலுக்கு வந்தது. அடிடாஸ் மற்றும் பிசிசிஐ இடையேயான ஒப்பந்தம் கிரிக்கெட் உலகில் மிகப்பெரிய ஒன்றாகும். ஒப்பந்தத்தின் நிதி விவரங்களை பிசிசிஐ வெளியிடவில்லை என்றாலும், மார்ச் 2028 வரை இந்தியா விளையாடும் ஒவ்வொரு போட்டிக்கும் அடிடாஸ் ஒரு போட்டிக்கு ரூ.65 லட்சம் செலுத்தும் என எதிர்பார்க்கப்படுகிறது.
உலகக்கோப்பைக்கான இந்திய அணியின் ஜெர்சியில் செய்யப்பட்ட புதிய மாற்றங்கள்
ஒருநாள் உலகக்கோப்பைக்கான ஜெர்சியில் சில குறிப்பிடத்தக்க மாற்றங்கள் செய்யப்பட்டுள்ளது. அதன்படி ஜெர்சியின் தோள்பட்டையில் இருந்த வெள்ளைக் கோடுகள் இந்தியக் கொடியின் மூவர்ணக் கொடியுடன் மாற்றப்பட்டுள்ளன. 1983 மற்றும் 2011இல் இந்திய கிரிக்கெட் அணியின் உலகக்கோப்பை வெற்றிகளைக் குறிக்கும் வகையில், அணியின் லோகோவில் மூன்று நட்சத்திரங்களுக்குப் பதிலாக இரண்டு நட்சத்திரங்கள் இருக்கும். இதற்கிடையே, இந்தியாவின் முன்னணி ஸ்பான்சரான ட்ரீம்11 என்பதை நாட்டின் பெயரை விட பெரிதாக அச்சிட்டதற்காக ரசிகர்கள் விமர்சித்துள்ளனர். எனினும், ஐசிசி வழிகாட்டுதல்களின்படி, ஐசிசி நிகழ்வுகளுக்கு அணிகள் தங்கள் அதிகாரப்பூர்வ ஜெர்சியின் முன்புறத்தில் தங்கள் முக்கிய ஸ்பான்சரின் லோகோவைப் பயன்படுத்த அனுமதிக்கப்படுவதில்லை என்பதால் இப்படி செய்யப்பட்டுள்ளதாகக் கூறப்படுகிறது.
