"உண்மையை ஜீரணிக்க கஷ்டமாக இருக்கிறது": ஹர்திக் பாண்டியா
நடைபெற்றுவரும் உலகக்கோப்பை கிரிக்கெட் போட்டியில், இந்திய அணியிலிருந்து அதிகாரபூர்வமாக ஹர்திக் பாண்டியா வெளியேறினார். இரண்டு வாரங்களுக்கு முன்பு பங்களாதேஷுக்கு எதிரான போட்டியில், முதல் ஒவரில் மூன்று பந்துகள் வீசிய நிலையில், கணுக்காலில் ஏற்பட்ட அடி காரணமாக அவர் மைதானத்தைவிட்டு விலக நேர்ந்தது. அவரின் காயம் இன்னும் சரியாகாத காரணத்தால், அணியிலிருந்து நீக்கப்பட்டார். இது குறித்து எக்ஸ் தளத்தில் ஹர்திக் வெளியிட்ட பதிவின் படி, "உலகக் கோப்பையின் எஞ்சிய பகுதியை நான் இழக்க நேரிடும் என்ற உண்மையை ஜீரணிக்க கடினமாக உள்ளது. ஒவ்வொரு ஆட்டத்தின் ஒவ்வொரு பந்திலும், அவர்களை உற்சாகப்படுத்த அணியுடன் இருப்பேன். அனைவரின் வாழ்த்துக்களுக்கும், அன்புக்கும், ஆதரவுக்கும் மிக்க நன்றி. இந்த அணி சிறப்பானது, அனைவரையும் பெருமைப்படுத்துவோம் என்பதில் நான் உறுதியாக உள்ளேன்"
