லட்சத்தீவிற்கு சுற்றுலா செல்ல திட்டமா? எங்கு ஷாப்பிங் செய்வது?
நவீன உலகிலிருந்து வெகு தொலைவில் உள்ள, அதே நேரம் இயற்கைக்கு மிக அருகில் உள்ள லட்சத்தீவின் பிரமிக்க வைக்கும் தீவுகளுக்கு, ஒரு தனித்துவமான கடற்கரை விடுமுறை மற்றும் ஷாப்பிங் செல்ல திட்டமா? இந்த அழகிய நகரம், ஏராளமான கைவினைப்பொருட்கள் மற்றும் பழங்காலப் பொருட்களைக் கொண்டுள்ளது. அவை உள்ளூர் வாழ்க்கை முறை மற்றும் கலாச்சாரத்தை தெளிவாக வெளிப்படுத்துகின்றன. இந்த சுற்றுலாத்தளத்திற்கு நீங்கள் ஒரு விடுமுறையை திட்டமிடுகிறீர்கள் என்றால், அங்கே ஷாப்பிங் செய்வதற்கு நீங்கள் எங்கே செல்லலாம் என ஒரு மினி-கையேடு இதோ:
கூட்டுறவு சங்க பல்பொருள் அங்காடி
இந்த பல்பொருள் அங்காடி குறைந்த மக்கள் தொகை கொண்ட தீவுகளில் ஒன்றான கட்மட் தீவில் அமைந்துள்ளது. இதன் விளைவாக, மிகக் குறைவான, ஆனால் தனித்துவமான, பொருட்களை இங்கே காணலாம். லட்சத்தீவுக்கு அருகிலுள்ள மால் ஒன்றை நீங்கள் தேடினால், இந்த அங்காடி ஒரு சிறந்த உதாரணம். கடல் பொருட்கள் முதல் நினைவுப் பொருட்கள் மற்றும் மளிகை பொருட்கள் வரை இந்த இடம் பரந்த அளவிலான விருப்பங்களை வழங்குகிறது.
தேங்காய் நார் தொழிற்சாலை
நீங்கள், உங்கள் அன்புக்குரியவர்களுக்கு, கவரட்டி தீவில் உள்ள தேங்காய் நார் தொழிற்சாலையில் அழகான நினைவு பரிசு பொருட்களை வாங்கலாம். நீங்களோ, அல்லது உங்கள் அன்புக்குரியவர்களோ, இயற்கையை விரும்புவர்களாக இருந்தால், இந்த இடத்திற்கு செல்வதை விட சிறந்தது எதுவுமில்லை. 1960 களில் நிறுவப்பட்ட இந்த தொழிற்சாலை ஏற்றுமதி தரமான தேங்காய் நார் பொருட்களை உற்பத்தி செய்கிறது. பார்வையாளர்கள் இந்த இடத்தினை கைடு வழிகாட்டுதலுடன் சுற்றிப்பார்க்கலாம். தேங்காய் நாரால் செய்யப்பட்ட பாய்கள், கூடைகள் மற்றும் அலங்கார பொருட்கள் போன்ற பொருட்களை வாங்கலாம்.
சீனா பஜார், கவரட்டி
லட்சத்தீவில் உள்ள சிறந்த ஷாப்பிங் இடங்கள் அனைத்தையுமே நீங்கள் ஒரே இடத்தில் தேடுகிறீர்களானால், கவரட்டி தீவில் உள்ள இந்த பஜார் சிறந்த தேர்வாகும். இந்த பஜாரில் சில பிரிவுகளில், வன்பொருள், மின்னணுவியல் மற்றும் செல் ரீசார்ஜ் நிலையங்களைக் காணலாம். அதிர்ஷ்டம் இருந்தால், உங்கள் பயணத்தின் நினைவூட்டலாக, சிப்பிகளால் செய்யப்பட்ட நினைவு பொருட்களை வாங்கலாம்.
முஹம்மது முஸ்தபா சப்பர் மார்க்கெட்
இந்த சந்தை லட்சத்தீவில் ஷாப்பிங் செய்ய சிறந்த இடங்களில் ஒன்றாகும். கடற்கரைக்கு அருகிலேயே மளிகைப் பொருட்கள், அன்றாட அத்தியாவசியப் பொருட்கள் மற்றும் தனித்துவமான தயாரிப்புகளைக் கண்டறிவது எளிது. உள்ளூர்வாசிகள் பெரும்பாலும் மளிகை கடையாக பயன்படுத்துகின்றனர். இதன் காரணமாக, நீங்கள் வாங்க வேண்டிய பொருட்களை அனைத்தையுமே எப்போதும் இங்கு வாங்கி கொள்ளலாம்.
