உலகின் மிகவும் அழகிய விமான நிலையங்கள் இவைதான்
செய்தி முன்னோட்டம்
நெடுந்தூர விமானப் பயணத்தின் போது, இடைநிற்றலுக்காக சில விமான நிலையங்களில் நிறுத்துவதுண்டு.
அப்படி நீண்ட நேரம் ட்ரான்சிட் இருக்கும் போது, நீங்கள் சுவாரசியமாக சுற்றிப்பார்க்க ஆசைப்படுவது இயல்பே.
அப்படி, உலகில் பிரபலமான சில பன்னாட்டு விமான நிலையங்கள் பற்றி இந்த தொகுப்பில் தெரிந்து கொள்வோம்.
இந்த விமான நிலையங்கள் பிரத்தியேகமான இடங்கள் முதல் பயணிகளை மகிழ்விப்பதற்காக வடிவமைக்கப்பட்ட வசதிகள் வரை, ஒரு மறக்கமுடியாத அனுபவத்தை வழங்குகின்றன.
இன்சியான் சர்வதேச விமான நிலையம், தென் கொரியா: இங்கு பாரம்பரிய கைவினைப் பட்டறைகளில் பங்கேற்பதன் மூலம் கொரிய கலாச்சாரத்தை பற்றி தெரிந்துகொள்ளலாம். விமான நிலையத்தில் பனி சறுக்கு வளையம், கொரிய கலாச்சார அருங்காட்சியகம் மற்றும் காத்திருக்கும் போது விளையாட விரும்புவோருக்கு ஒரு கோல்ஃப் மைதானம் உள்ளது.
விமான நிலையங்கள்
அழகிய விமான நிலையங்கள்
மியூனிக் விமான நிலையம், ஜெர்மனி: பவேரியன் வசீகரம் மற்றும் நவீன வசதிகளின் தனித்துவமான கலவையால் தனித்து நிற்கிறது. விமானப் போக்குவரத்து ஆர்வலர்களுக்கு, இந்த விமான நிலையம் அதன் செயல்பாடுகள் மற்றும் கட்டிடக்கலை பற்றிய நுண்ணறிவுகளை வழங்குகிறது. கூடுதலாக, நேரலை இசை நிகழ்ச்சிகள் மற்றும் கலைக் கண்காட்சிகள் போன்ற நிகழ்வுகளை நடத்துகிறது.
ஆம்ஸ்டர்டாம் விமான நிலையம்,நெதர்லாந்து: டச்சு நினைவுப் பொருட்கள் முதல் டிசைனர் ஃபேஷன் பிராண்டுகள் வரை அனைத்தையும் விற்கும் பரந்த அளவிலான கடைகளை இந்த விமான நிலையம் கொண்டுள்ளது. பயணிகள் விமான நிலையத்தின் தியான மையத்தில் ஓய்வெடுக்கலாம் அல்லது டச்சு தலைசிறந்த படைப்புகளின் தொகுப்பைக் கொண்டிருக்கும் ரிஜக்ஸ் அருங்காட்சியகத்தை பார்வையிடலாம்.
விமான நிலையங்கள்
அழகிய விமான நிலையங்கள்
சாங்கி விமான நிலையம், சிங்கப்பூர்: உலகின் மிக உயரமான உட்புற நீர்வீழ்ச்சியான HSBC ரெயின் வோர்டெக்ஸைப் பாருங்கள். சாங்கி விமான நிலையத்தில் டிஸ்கவர் ஸ்லைடை குழந்தைகள் விரும்புவார்கள், இது ஒரு பெரிய விளையாட்டு மைதானம் போன்ற பெரிய ஸ்லைடு. பெட்டல் கார்டனில் அழகான தோட்டங்கள் மற்றும் சிற்பங்களையும் நீங்கள் காணலாம்.
துபாய் சர்வதேச விமான நிலையம், UAE: நீங்கள் ஹெல்த் கிளப்புகளில் ஓய்வெடுக்கலாம், வொர்க்அவுட் செக்ஷனில் ஈடுபடலாம். ஜக்குஸி, ஸ்வனா அல்லது நீராவி அறை போன்ற வசதிகளை அனுபவிக்கலாம். நீங்கள் நீச்சலடிக்க விரும்பினால், விமான நிலையத்தில் புத்துணர்ச்சியூட்டும் குளம் உள்ளது. அதே நேரத்தில் பில்லியர்ட்ஸ் ஆர்வலர்களுக்கு சில விளையாட்டுகளும் உள்ளது. மசாஜ், ஃபேஷியல், பெடிக்யூர் என நீங்கள் ஈடுபடக்கூடிய ஏராளமான ஸ்பாக்களும் உள்ளது