5 வயதுக்குட்பட்ட குழந்தைகளுக்கு தரக்கூடாத உணவுகள்
செய்தி முன்னோட்டம்
குழந்தைகளுக்கு, குறிப்பாக ஐந்து வயதிற்குட்பட்ட குழந்தைகளுக்கு, அவர்களின் வளர்ச்சிக்கு போதுமான அளவு ஊட்டச்சத்து தேவைப்படுகிறது. அவர்களுக்கு சரியான உணவு வகைகளை, உரிய நேரத்தில், உரிய அளவில் வழங்குவது அவசியம். அவற்றைத் தவறாகவோ அல்லது பற்றாக்குறையாகவோ உண்பது அவற்றின் வளர்ச்சியைத் தடுத்து, சில நோய்களுக்கு வழிவகுக்கும். ஐந்து வயதுக்குட்பட்ட குழந்தைகளுக்கு நீங்கள் தவிர்க்க வேண்டிய ஐந்து உணவு வகைகள் இதோ:
card 2
இனிப்பு நிறைந்த உணவுகள்:
மிட்டாய்கள் மற்றும் சாக்லேட்டுகள் ஒருவரின் குழந்தைப் பருவத்தின் முக்கிய பகுதியாகும். இருப்பினும், அவை சர்க்கரை அல்லது அஸ்பார்டேம், சாக்கரின், நியோடேம் மற்றும் சுக்ரலோஸ் போன்ற செயற்கை இனிப்புகளால் ஏற்றப்படுகின்றன. இது நல்லதை விட அதிக தீங்கையே விளைவிக்கும். அதிகப்படியான சர்க்கரை உடல் பருமன் மற்றும் பல் மற்றும் ஈறு பிரச்சனைகளுக்கு வழிவகுக்கும். இது அவர்களின் வளர்ச்சியைத் தடுக்கலாம். மிட்டாய்கள், ஐஸ்கிரீம்கள், சாக்லேட்கள் மற்றும் ஜெல்லிகள் போன்றவற்றை தவிர்க்கவும்
card 3
சுத்திகரிக்கப்பட்ட எண்ணெய்
சுத்திகரிக்கப்பட்ட எண்ணெய், அதிக வெப்பநிலையில், தீவிர இரசாயன செயலாக்கத்திற்கு உட்படுகிறது. இதன் விளைவாக ஊட்டச்சத்துக்களின் இழப்பு ஏற்படுகிறது. மேலும், இது அடிக்கடி சூடாவதால், டிரான்ஸ் கொழுப்புகளின் உயர்ந்த அளவை பெற்று, உடலில் கொலஸ்ட்ரால் அளவை அதிகரிக்க வழிவகுக்கும் மற்றும், அத்தியாவசிய அமினோ அமிலங்களை சேதப்படுத்தும். ஒட்டுமொத்த ஆரோக்கியம் மற்றும் ஊட்டச்சத்தை மேம்படுத்த ஆரோக்கியமான சமையல் எண்ணெய்களைத் தேர்ந்தெடுப்பது நல்லது.
card 4
காஃபின் மற்றும் சோடா நிறைந்த பானங்கள்
காஃபின், உங்கள் குழந்தையின் நரம்பு மண்டலத்தில் தாக்கத்தை ஏற்படுத்தும். உட்கொள்ளும் போது, அது அவர்களின் தூக்கத்தை சீர்குலைத்து, கவனம் செலுத்துவதைத் தடுக்கிறது மற்றும் போதைக்கு வழிவகுக்கும். பதட்டம் போன்ற நீண்ட கால மனநலப் பிரச்சினைகளும் இதை உட்கொள்ளுவதால் ஏற்படுவதாக ஆராய்ச்சிகள் கூறுகின்றன. இந்தக் காரணங்களுக்காக, குழந்தைகளுக்கு காஃபின் சார்ந்த பொருட்களைக் கொடுப்பதைத் தவிர்ப்பது நல்லது. சோடா நிறைந்த பானங்கள்: குளிர்பானங்கள், சோடாக்கள், ஐந்து வயதுக்குட்பட்ட குழந்தைகளுக்கு ஏற்றதாக இருக்காது. அதிக அளவு சர்க்கரையைக் கொண்டிருப்பது, ஊட்டச்சத்து குறைந்தது இருப்பது என பல காரணங்கள் உள்ளதால், இதை தவிர்க்க வேண்டும். இந்த பானங்கள் பல் பிரச்சனைகள், எலும்பு பிரச்சனைகள், ஒவ்வாமை, உடல் பருமன், தலைவலி போன்றவற்றை ஏற்படுத்தும்.
card 5
முழு நட்ஸ்
முழு நட்ஸ் எனப்படும் கொட்டை வகைகள், அவற்றின் கடினமான அமைப்பு காரணமாக இளம் குழந்தைகளுக்கு கொடுப்பது உசிதமற்றது. எனினும், கொட்டைகளின் ஊட்டச்சத்து நன்மைகளை வழங்க, அவர்களுக்கு,'நட் பட்டர்' வழங்கலாம். இருப்பினும், கொட்டைகள் ஒரு சிலருக்கு ஒவ்வாமை ஏற்படுத்தும் என்பதால், எச்சரிக்கையாக இருங்கள். குழந்தைகளுக்கு எப்பொழுதும் புதிய உணவுகளை படிப்படியாக அறிமுகப்படுத்துங்கள். அந்த புதிய உணவிற்கு, உங்கள் குழந்தையின் சகிப்புத்தன்மை கண்காணித்து, பின் தொடரவும். ஏதேனும் ஒவ்வாமை அறிகுறிகள் தென்பட்டால், உடனே ஒரு குழந்தை மருத்துவரை அணுகவும்.