பட்ஜெட் 2025: நாடாளுமன்றத்தில் இன்று பொருளாதார ஆய்வறிக்கை தாக்கல் செய்யப்படும்; அப்படியென்றால் என்ன?
செய்தி முன்னோட்டம்
கடந்த நிதியாண்டின் பொருளாதார நிலையை விவரிக்கும் பட்ஜெட்டுக்கு முந்தைய ஆவணமான பொருளாதார ஆய்வறிக்கை இன்று மதியம் 12 மணிக்கு நாடாளுமன்றத்தில் நிதியமைச்சர் நிர்மலா சீதாராமனால் தாக்கல் செய்யப்பட உள்ளது.
பொருளாதார ஆய்வு, கடந்த நிதியாண்டில் பொருளாதாரத்தின் நிலையை விவரிக்கும் பட்ஜெட்டுக்கு முந்தைய ஆவணம் யூனியன் பட்ஜெட் 2025-26 வருவதற்கு ஒரு நாள் முன்னதாக நாடாளுமன்றத்தில் சமர்ப்பிக்கப்படும்.
மக்களவையில் மதியம் 12 மணிக்கும், ராஜ்யசபாவில் பிற்பகல் 2 மணிக்கும் ஆய்வறிக்கை தாக்கல் செய்யப்படும்.
விவரங்கள்
பொருளாதார ஆய்வறிக்கை என்றால் என்ன?
பொருளாதார ஆய்வறிக்கையானது தலைமைப் பொருளாதார ஆலோசகரின் மேற்பார்வையின் கீழ் தயாரிக்கப்பட்டு, நிதி அமைச்சகத்தில் உள்ள பொருளாதார விவகாரங்கள் துறையின் பொருளாதாரப் பிரிவால் தயாரிக்கப்பட்ட பொருளாதாரம் பற்றிய நுண்ணறிவுகளை உள்ளடக்கிய ஆவணம்.
இந்த ஆவணம் பொருளாதாரத்தின் தற்போதைய நிலையை விவரிப்பது மட்டுமல்லாமல், வரவிருக்கும் நிதியாண்டுக்கான கண்ணோட்டத்தையும் வழங்குகிறது.
பொருளாதார ஆய்வறிக்கை சமர்ப்பித்தல், நாடாளுமன்றத்தின் பட்ஜெட் கூட்டத் தொடரின் துவக்கத்தை குறிக்கும்.
கூட்டத்தொடர் ஏப்ரல் 4-ஆம் தேதி முடிவடைகிறது. நாடாளுமன் கூடதுதொடர் பிப்ரவரி 14-ஆம் தேதி முதல் மார்ச் 10-ஆம் தேதி வரை இடைப்பட்ட கால இடைவெளி விடப்படும்.
முதல் பொருளாதார ஆய்வு 1950-51இல் பட்ஜெட் ஆவணங்களின் ஒரு பகுதியாக இருந்தது. 1960களில், இது யூனியன் பட்ஜெட்டுக்கு முந்தைய நாள் சமர்ப்பிக்கப்பட்டது என்று ANI தெரிவித்துள்ளது.