பங்களாதேஷ் அகதிகளுக்கு குடியுரிமை வழங்கியது செல்லும்; 1971 ஒப்பந்தத்தை உறுதி செய்தது உச்ச நீதிமன்றம்
செய்தி முன்னோட்டம்
1971க்கு முன்னர் மாநிலத்திற்கு வந்த பங்களாதேஷ் அகதிகளுக்கு குடியுரிமை வழங்கும் அசாம் ஒப்பந்தத்தை அங்கீகரித்த முக்கிய குடியுரிமை விதி செல்லும் என்பதை உச்ச நீதிமன்றம் உறுதி செய்துள்ளது.
1966-1971க்கு இடையில் இந்திய குடிமக்களாக பதிவு செய்ய அப்போது கிழக்கு பாகிஸ்தான் என அழைக்கப்பட்ட பங்களாதேஷில் இருந்து அகத்தில் இந்தியாவிற்குள் நுழைந்தனர்.
இந்திய தலைமை நீதிபதி டி.ஒய்.சந்திரசூட் தலைமையிலான 5 நீதிபதிகள் கொண்ட அரசியல் சாசன அமர்வு, 4:1 என்ற பெரும்பான்மையில் இதற்கான சட்டப் பிரிவான 6ஏ பிரிவை உறுதி செய்தது.
பங்களாதேஷ் அகதிகளின் வருகை அசாமின் மக்கள்தொகை சமநிலையை பாதித்துள்ளது என்று வாதிட்ட மனு மீது இந்த உத்தரவு வந்தது.
தீர்ப்பு
தீர்ப்பின் முழு விபரம்
தீர்ப்பைப் படித்த தலைமை நீதிபதி, அகதிகள் வருகையால் அசாம் எதிர்கொள்ளும் தனித்துவமான பிரச்சனைக்கு 6ஏ பிரிவின் சட்டம் ஒரு அரசியல் தீர்வு என்று கூறினார்.
மேலும், "மத்திய அரசு இந்தச் சட்டத்தை மற்ற பகுதிகளுக்கும் விரிவுபடுத்தியிருக்கலாம். ஆனால் அது அசாமுக்கு மட்டுமே உரியது என்பதால் அவ்வாறு செய்யவில்லை.
அசாமில் குடியேறுபவர்களின் எண்ணிக்கை மற்றும் கலாச்சாரம் போன்றவற்றின் தாக்கம் அசாமில் அதிகம்.
மேற்கு வங்காளத்தில் உள்ள 57 லட்சத்தை விட அசாமில் உள்ள 40 லட்சம் புலம்பெயர்ந்தோரின் தாக்கம் அதிகம். ஏனெனில் அசாமின் நிலப்பரப்பு மேற்கு வங்காளத்தை விட குறைவாக உள்ளது." என்று தலைமை நீதிபதி கூறினார்.
எனினும், மார்ச் 25, 1971க்குப் பிறகு அசாமில் குடியேறியவர்களுக்கு இந்தத் தீர்ப்பு பொருந்தாது.