தேர்தல் பத்திர எண்களை வெளியிடாத எஸ்பிஐக்கு உச்சநீதிமன்றம் நோட்டீஸ்
எஸ்பிஐ பகிர்ந்த தேர்தல் பத்திர விவரங்கள் முழுமையடையவில்லை என்று கண்டனம் தெரிவித்த ஐந்து நீதிபதிகள் கொண்ட உச்ச நீதிமன்ற அமர்வு, இது குறித்து விளக்கம் அளிக்க எஸ்பிஐ வங்கிக்கு நோட்டீஸ் அனுப்பியுள்ளது. நன்கொடையாளர்களை பெறுநர்களுடன் இணைக்கும் தேர்தல் பத்திர எண்கள் கடன் வழங்குநரால், அதாவது வங்கியினால் "வெளிப்படுத்தப்பட வேண்டும்" என்று உச்ச நீதிமன்றம் திட்டவட்டமாக கூறியது. அதோடு, எஸ்பிஐயின் வழக்கறிஞர் இன்று நீதிமன்றத்தில் ஆஜராகவில்லை என்பது குறிப்பிடத்தக்கது. "எல்லா விவரங்களையும் தேர்தல் ஆணையத்திடம் (ECI) ஒப்படைக்க வேண்டும் என்று நாங்கள் கூறியிருந்தோம். அவர்கள் [SBI] பத்திர எண்களை வெளியிடவில்லை. அதை பாரத ஸ்டேட் வங்கி வெளியிட வேண்டும்" என்று இந்திய தலைமை நீதிபதி டிஒய் சந்திரசூட் கூறினார்.
