காங்கிரஸ் தலைவர் சோனியா காந்தியின் பிறந்தநாளுக்கு பிரதமர் மோடி வாழ்த்து
காங்கிரஸ் முன்னாள் பொது செயலாளர் சோனியா காந்தியின் 77வது பிறந்தநாளை முன்னிட்டு பிரதமர் நரேந்திர மோடி இன்று அவருக்கு வாழ்த்து தெரிவித்துள்ளார். "திருமதி. சோனியா காந்தி ஜியின் பிறந்தநாளுக்கு வாழ்த்துகள். அவர் நீண்ட ஆயுளுடன் ஆரோக்கியமாக வாழட்டும்" என்று பிரதமர் மோடி தனது ட்விட்டர் பக்கத்தில் கூறியுள்ளார். நீண்ட காலம் காங்கிரஸ் பொது செயலாளராக இருந்த சோனியா காந்தி, உடல்நலக் காரணங்களுக்காக கடந்த சில ஆண்டுகளாக தீவிர அரசியலில் ஈடுபடுவதில்லை. அவரை தொடர்ந்து, தற்போது, அவரது மகனான ராகுல் காந்தியும் அவரது மகளான பிரியங்கா காந்தி வத்ராவும் காங்கிரஸ் கட்சியில் முக்கிய பங்கு வகிக்கின்றனர்.
சோனியா காந்திக்கு தமிழக முதல்வர் மு.க.ஸ்டாலின் வாழ்த்து
இந்நிலையில், இன்று தனது 77வது பிறந்தநாளை கொண்டாடும் காங்கிரஸ் கட்சியின் மூத்த தலைவரான சோனியா காந்திக்கு தமிழக முதல்வர் மு.க.ஸ்டாலினும் வாழ்த்து தெரிவித்துள்ளார். இது குறித்து தனது ட்விட்டர் பக்கத்தில் பதிவிட்டிருக்கும் முதல்வர் ஸ்டாலின், "அர்ப்பணிப்புள்ள பொது வாழ்வின் எடுத்துக்காட்டாக விளங்கும் காங்கிரஸ் நாடாளுமன்றக் கட்சித் தலைவர் சோனியா காந்திக்கு பிறந்தநாள் வாழ்த்துக்கள். அவர் நல்ல ஆரோக்கியத்துடனும் நீண்ட ஆயுளுடனும் வாழ வாழ்த்துகிறேன். சதிகார சக்திகளிடமிருந்து INDIAவைக் காப்பாற்றுவதற்கான நமது ஒன்றுபட்ட முயற்சியில் அவரது ஆழ்ந்த அனுபவம் தொடர்ந்து வழிகாட்டும் வெளிச்சமாக இருக்கட்டும்." என்று கூறியுள்ளார்.
