பாதுகாப்பு விதிமீறலில் கைது செய்யப்பட்ட கர்நாடக சாப்ட்வேர் என்ஜினீயர், ஓய்வு பெற்ற காவலதிகாரியின் மகன்
செய்தி முன்னோட்டம்
கடந்த டிசம்பர் 13-ஆம் தேதி, நாடாளுமன்றத்தில் பாதுகாப்பு மீறல் சம்பவம் தொடர்பாக கைதுசெய்யப்ட்டவர்களுள், கர்நாடகாவின் வித்யாகிரியைச் சேர்ந்த சாப்ட்வேர் என்ஜினீயாரான சாய் கிருஷ்ணா என்பவரும் ஒருவர்.
2001ஆம் ஆண்டு நாடாளுமன்றத் தாக்குதலின் நினைவு நாளில், நாடாளுமன்ற அவைக்குள், தனது காலணியினுள்ளே மறைத்து வைக்கப்பட்டிருந்த புகை குண்டுகளுடன் குதித்த ஒருவரான மனோரஞ்சன்.டி என்பவர், தொழில்நுட்ப வல்லுநர் சாய் கிருஷ்ணாவிற்கு நன்கு பரிச்சயம் ஆனவர் என்று தகவல்கள் தெரிவிக்கின்றன.
சாய் கிருஷ்ணா, கர்நாடக காவல்துறையின் ஓய்வு பெற்ற உயர் காவலதிகாரியின் மகன் என்கிறது காவல்துறை வட்டாரங்கள்.
இந்த வழக்கு தொடர்பாக உத்தரப் பிரதேசத்தைச் சேர்ந்த மற்றொருவரை டெல்லி காவல்துறை சிறப்புப் பிரிவு கைது செய்தது. 50-வயதான அதுல் குல்ஷேத்ரா ஜலால்பூரில் வசிப்பவர் என்று தகவல்கள் தெரிவிக்கின்றன.
card 2
பொறியியல் கல்லூரி காலத்து நண்பர்கள்?
நேற்று, புதன்கிழமை இந்த வழக்கில் கைது செய்யப்பட்ட 6 பேரும் சம்பவத்தின் வரிசையை உறுதிப்படுத்துவதற்காக, ஒருவரையொருவர் எதிர்கொண்டனர்.
குற்றம் சாட்டப்பட்ட சாகர் சர்மா, மனோரஞ்சன் டி, நீமல் மற்றும் அமோல் ஷிண்டே ஆகிய 4 பேரின் போலீஸ் காவல், இன்று, வியாழக்கிழமையுடன் முடிவடைகிறது.
லலித் ஜா மற்றும் மகேஷ் குமாவத் என மேலும் இரு குற்றவாளிகள் இந்த வழக்கில் கைது செய்யப்பட்டுள்ளனர்.
பொறியியல் கல்லூரியில் மனோரஞ்சன் டியின் ரூம்மேட்தான் சாய் கிருஷ்ணா என காவல்துறையினர் தெரிவிக்கின்றன.
சாய் கிருஷ்ணா, பாகல்கோட்டில் உள்ள அவரது சகோதரியின் இடத்திலிருந்து கைது செய்யப்பட்டதாக கூறப்படுகிறது