Honey Trap-ல் சிக்கி ஐ.எஸ்.ஐ-க்கு உளவு பார்த்த இந்திய தூதரக அதிகாரி
செய்தி முன்னோட்டம்
பாகிஸ்தானின் ஐ.எஸ்.ஐ-க்கு உளவு பார்த்ததாக, மாஸ்கோவிலுள்ள இந்திய தூதரகத்தில் பணிபுரியும் இந்திய அதிகாரி ஒருவர் சமீபத்தில் உத்தரபிரதேசத்தில் கைது செய்யப்பட்டார்.
இந்த விவகாரத்தில், அவர் எப்படி இந்த சதி வலையில் சிக்கினார் என்பதற்கான தகவலை வெளியிட்டுள்ளது, பயங்கரவாத எதிர்ப்புப் படை (ATS) தெரிவித்திருக்கிறது.
கைதுசெய்யப்பட்ட நபரின் பெயர் சதேந்திர சிவால்.
ஏடிஎஸ் இன்ஸ்பெக்டர் கூற்றுப்படி, உத்திரபிரதேச மாநிலம் ஹபூரைச் சேர்ந்த சதேந்திர சிவால் என்ற ஊழியர், சமூக ஊடகங்களில் "பூஜா மெஹ்ரா" என்று பெயர்கொண்ட ஒரு பெண்ணால் சதி வலையில் சிக்கினார்.
அதனைத்தொடர்ந்து அவர் ரகசிய இராணுவ ஆவணங்களைப் பகிர்ந்து கொள்ள தூண்டப்பட்டுள்ளார்
இவர், 2021-ஆம் ஆண்டு முதல் மாஸ்கோவிலுள்ள இந்திய தூதரகத்தில் இந்தியாவைத் தளமாகக் கொண்ட பாதுகாப்பு உதவியாளராக பணிபுரிந்து வந்திருக்கிறார்.
ஹனி ட்ராப்
பகிரப்பட்ட ராணுவ ரகசியங்கள்
"கடந்த ஆண்டு சமூக வலைதளத்தில், பூஜா மெஹ்ரா, சவாலை தொடர்பு கொண்டார். அந்தப் பெண், அவரை ஹனி-ட்ராப் செய்து, பணத்துக்காக நாட்டின் ரகசிய ஆவணங்களை தன்னுடன் பகிர்ந்து கொள்ளும்படி கூறியிருக்கிறார்".
"அப்போது, இந்திய விமானப்படை, இந்திய கடற்படையின் போர் விமானங்கள், நீர்மூழ்கிக் கப்பல்கள் உள்ளிட்ட ஆயுத அமைப்புகள் தொடர்பான ரகசிய ஆவணங்களை அந்தப் பெண்ணுடன் சிவால் பகிர்ந்திருக்கிறார். பெண்ணின் சமூக வலைதளக் கணக்கு பாகிஸ்தான் உளவுத்துறையால் இயக்கப்பட்டு வந்திருக்கிறது".
"அவரது தொலைபேசி மற்றும் அவர் பயன்படுத்திய பிற கருவிகளின் தடயவியல் பரிசோதனை செய்யப்படுகிறது" என்று ATS விசாரணை அதிகாரி தெரிவித்திருக்கிறார்.
இதனால் சிவால் மீது, இந்திய தண்டனைச் சட்டம் பிரிவு 121A, அதிகாரப்பூர்வ ரகசியச் சட்டம் 1923-ன் கீழ் வழக்குகள் பதிவுசெய்யப்பட்டது.