குரூப்-4 தேர்வு ஜூன் 9-ஆம் தேதி நடைபெறும்: டிஎன்பிஎஸ்சி
தமிழகத்தில் காலியாக உள்ள கிராம நிர்வாக அலுவலகர், இளநிலை உதவியாளர், தட்டச்சர் உட்பட சுமார் 6,244 பணியிடங்களை நிரப்புவதற்கான குரூப்-4 போட்டித் தேர்வு தேதி அறிவிக்கப்பட்டுள்ளது. தமிழ்நாடு அரசுப் பணியாளர் தேர்வாணையம் (TNPSC) நடத்தும் இந்த தேர்வு, வரும் ஜூன் 9-ஆம் தேதி நடைபெறும் என அறிவிக்கப்பட்டுள்ளது. இது குறித்த அறிவிப்பினை, தனது வலைத்தளத்தில் பதிவேற்றியுள்ளது ஆணையம். அந்த அறிவிப்பின்படி, இந்த தேர்வுக்கான விண்ணப்பங்கள், இன்று, ஜனவரி 30, 2024 தொடங்கி பிப்ரவரி 28-ஆம் தேதி வரை ஆன்லைன் மூலம் பெறப்படும். பதிவேற்றப்பட்ட விண்ணப்பங்களில், மார்ச் 4 முதல் 6-ஆம் தேதி வரை திருத்தம் மேற்கொள்ளவும் அனுமதிக்கப்படுகிறது. அதனை தொடர்ந்து குரூப்-4 தேர்வு, ஜூன் 9-ஆம் தேதி நடைபெறும் என தெரிவிக்கப்பட்டுள்ளது.
