காணும் பொங்கலை முன்னிட்டு சென்னையில் போக்குவரத்து மாற்றம்
தமிழகத்தின் மிகப்பெரும் பண்டிகையான பொங்கல் திருநாள், மாட்டுப் பொங்கல் கொண்டாட்டங்கள் சிறப்பாக நடந்து முடிந்துள்ளது. அதனை தொடர்ந்து மூன்றாம் நாள் பண்டிகையான காணும் பொங்கல் விழா இன்று கொண்டாடப்பட உள்ளது. காணும் பொங்கலை முன்னிட்டு மக்கள் சுற்றுலா தலங்களுக்கு குடும்பத்துடன் செல்வது வழக்கம். குறிப்பாக காணும் பொங்கல் அன்று கடற்கரை, பூங்கா போன்ற இடங்களுக்கு மக்கள் செல்வது வழக்கம். அதனை முன்னிட்டு சென்னையில் இன்று போக்குவரத்து மாற்றம் செய்யப்பட்டுள்ளதாக போக்குவரத்து காவல்துறை அறிவித்துள்ளது. அதன்படி, தற்போது வரை காமராஜர் சாலையில் எந்த மாற்றமும் இல்லை. ஆனால், கலங்கரை விளக்கத்திலிருந்து வரும் வாகனங்கள் கண்ணகி சிலையில் இடதுபுறமாக கட்டாயமாக திருப்பப்பட்டு, பெல்ஸ் சாலை வழியாக வாலாஜா சாலை சென்று தங்கள் இலக்கை அடையலாம்.
