மிக்ஜாம் புயல் எதிரொலி: குறைகேட்க வந்த அமைச்சர் சேகர்பாபுவை முற்றுகையிட்ட பொதுமக்கள்
செய்தி முன்னோட்டம்
சென்ற வாரம் வங்கவங்கக்கடலில் தோன்றிய மிக்ஜாம் புயல், தமிழக கடற்கரையை ஒட்டி பயணித்து நேற்று ஆந்திர மாநிலத்தில் கரையை கடந்தது.
இப்புயலின் தாக்கத்தால் அதிகமாக பாதிக்கப்பட்டது தமிழகத்தின் தலைநகர் சென்னை.
புயல் கடந்து இரண்டு நாட்கள் ஆன நிலையிலும், இன்னும் சென்னை சகஜநிலைக்கு திரும்பவில்லை.
சென்னையின் பல இடங்களில் மின்சாரம் துண்டிக்கப்பட்டுள்ளது.
அப்பகுதிகளில் மழை நீர் தேங்கியுள்ளதால், மின்சார இணைப்பு வழங்குவது அபாய விளைவுகளை ஏற்படுத்தக்கூடும் என்பதால், தண்ணீர் வற்றிய பின்பு மின்சாரம் வழங்கப்படும் என தமிழக அரசு சார்பில் தெரிவிக்கப்பட்டது.
எனினும், பல இடங்களில் கால்வாய்கள் உடைக்கப்பட்டு, மழை நீரும், சாக்கடை நீரும் கலந்துள்ளதாக புகார்கள் எழுந்துள்ளது.
card 2
அமைச்சரை முற்றுகையிட்ட பொதுமக்கள்
இந்த நிலையில் அமைச்சர் சேகர் பாபு, வடசென்னையில் வண்ணாரப்பேட்டையில் நடைபெற்று வரும் நிவாரண பணிகளை மேற்பார்வையிட வந்திருந்தார்.
அப்போது அவரை சூழ்ந்த நூற்றுக்கணக்கான மக்கள், அங்கே முற்றுகை போராட்டத்தில் ஈடுபட்டனர்.
வண்ணாரப்பேட்டை அருகே பல இடங்களில் முழங்கால் அளவிற்கு மழை நீர் நிற்பதாகவும், அருகே இருந்த ஏரிகள் உடைக்கப்பட்டதாகவும் செய்திகள் வந்ததால் பொதுமக்கள் கொந்தளிக்க துவங்கினர்.
மேலும் பல இடங்களில் மின்சாரம் வழங்கப்படவில்லை என்றும், பால் விநியோகம், குடிநீர் விநியோகமும் பாதிக்கப்பட்டுள்ளதால், அவதிப்படுவதாகவும் அமைச்சரிடத்தில் கோரிக்கை விடுத்துள்ளனர்.
அவர்களின் குறைகளை கேட்ட அமைச்சர், சீக்கிரத்தில் அதற்கான ஆவண செய்வதை உறுதியளித்த பின்னரே, பொதுமக்கள் கலைந்து சென்றனர்.
ட்விட்டர் அஞ்சல்
அமைச்சர் சேகர்பாபுவை முற்றுகையிட்ட பொதுமக்கள்
மக்களிடம் குறைகளை கேட்க வந்த அமைச்சர் சேகர்பாபுவை முற்றுகையிட்டு பொதுமக்கள் போராட்டம்#Chennai | #CycloneMichaung | #Sekarbabu pic.twitter.com/qZJqwhO7vI
— PuthiyathalaimuraiTV (@PTTVOnlineNews) December 6, 2023