விமானச் செயல்பாடுகள் சீரானது, பேக்லாக் அகற்றப்படுகிறது: மத்திய அரசு
செய்தி முன்னோட்டம்
நேற்று மைக்ரோசாப்ட் செயலிழப்பால் விமானங்கள் ரத்து செய்யப்பட்டு, செக்-இன் கவுண்டர்களில் குழப்பமான காட்சிகளுக்கு வழிவகுத்த ஒரு நாளுக்குப் பிறகு விமானச் செயல்பாடுகள் சீராக இருந்ததாக மத்திய அரசு தெரிவித்துள்ளது.
அதோடு அனைத்து விமான நிலையங்களிலும் விமான அமைப்புகள் இயல்பு நிலைக்குத் திரும்பியதாகவும் சிவில் விமானப் போக்குவரத்து அமைச்சகம் இன்று, சனிக்கிழமை ஒரு அறிக்கையில் தெரிவித்துள்ளது.
மேலும், பயணச் சரிசெய்தல் மற்றும் பணத்தைத் திரும்பப்பெறுதல் தொடர்பான அனைத்து சிக்கல்களும் கவனிக்கப்பட்டு வருவதாக அமைச்சகம் தெரிவித்துள்ளது.
ட்விட்டர் அஞ்சல்
சிவில் விமானப் போக்குவரத்து அமைச்சக அறிக்கை
Since 3 AM, Airline systems across airports have started working normally. Flight operations are going smoothly now. By noon today, we expect all issues to be resolved: Ministry of Civil Aviation#MicrosoftOutage pic.twitter.com/jjz7lx69eO
— editorji (@editorji) July 20, 2024
டிஜி யாத்ரா
டிஜி யாத்ரா செயல்பாட்டில் முடக்கம் தொடர்கிறது
அமைச்சகம் அனைத்து பிரசாங்கத்திலும் தீர்க்கப்பட்டதாக கூறினாலும், பயோமெட்ரிக் அடிப்படையிலான போர்டிங் அமைப்பான டிஜி யாத்ரா அமைப்பு செயல்படாமல் இருந்ததால், டெல்லியில் உள்ள ஐஜிஐ விமான நிலையம் சனிக்கிழமை காலை குறிப்பிடத்தக்க இடையூறுகளை எதிர்கொண்டது.
புறப்படும் டெர்மினல்களில் மக்கள் நீண்ட வரிசைகளில் தென்பட்டதாக இந்தியா டுடே செய்தி வெளியிட்டது.
பயணிகளுக்கு உதவவும், நெரிசலை சமாளிக்கவும் விமான நிலைய அதிகாரிகள் கூடுதல் பணியாளர்களை நியமித்துள்ளனர்.
இன்று காலை 6-7 மணிக்குள், போர்டிங் பாஸ் வழங்கும் போது கணினியில் தொடர்ந்து கோளாறுகள் ஏற்பட்டன.
இருப்பினும், நாளின் பிற்பகுதியில் சூழ்நிலை மேம்பட்டது எனவும் தெரிவிக்கப்பட்டுள்ளது.