செவ்வாயில் இயங்கும் நாசாவின் ஹெலிகாப்டரை வடிவமைத்த இந்தியர்
செய்தி முன்னோட்டம்
செவ்வாய் கிரகத்தில் இயங்கும் முதல் ஹெலிகாப்டரை, அமெரிக்க விண்வெளி ஆய்வு மையமான நாசாவிற்காக இந்தியர் உருவாக்கியுள்ளார்.
சென்னையில் உள்ள இந்திய தொழில்நுட்ப நிறுவனத்தில், இயந்திர பொறியியலில் இளங்கலை படித்த பாப் பல்ராம், தற்போது நாசாவின் ஜெட் ப்ராபல்ஷன் ஆய்வகத்தில் பணியாற்றி வருகிறார்.
கடந்த 2020 ஆம் ஆண்டு நாசா செவ்வாய் கிரகத்திற்கு அனுப்பிய, பெர்செவரன்ஸ் ரோவரின் ஒரு பகுதியான இந்த ஹெலிகாப்டர், இன்ஜினியூட்டி(Ingenuity) என்று அழைக்கப்படுகிறது.
தற்போது வரை செயல்பாட்டில் இருக்கும் இந்த ஹெலிகாப்டர், 1.8 கிலோ எடை மட்டுமே கொண்டது. மேலும் இந்த ஹெலிகாப்டர் பூமிக்கு வெளியில் பறந்த முதல் ஹெலிகாப்டர் என்ற பெருமையுடையது குறிப்பிடத்தக்கது.
2nd card
செவ்வாயில் தகவல்களை சேகரித்து பூமிக்கு அனுப்பிய இன்ஜினியூட்டி
இன்ஜினியூட்டி சோதனை முதன்முறையாக வேறொரு கிரகத்தில், கட்டுப்படுத்தப்பட்ட ஹெலிகாப்டரை சோதிக்கும் ஒரு வகையான பரிசோதனையாகும்.
செவ்வாய் கிரகத்தில் காற்றின் அடர்த்தி குறைவு என்பதால், இன்ஜினியூட்டி ஹெலிகாப்டரை பறக்க வைக்க நிறைய தொழில்நுட்ப சிரமங்கள் இருந்ததாக பல்ராம் தெரிவித்துள்ளார்.
இன்ஜினியூட்டி, பெர்செவரன்ஸ் ரோவரில் 2021 ஆம் ஆண்டு பிப்ரவரி மாதம் 18ஆம் தேதி செவ்வாய் கிரகத்தை எட்டியது. பின்னர் ஏப்ரல் 3 ஆம் தேதி செவ்வாய் கிரகத்தில் தன் பயணத்தை தொடங்கியது.
இது ஒரு மாதம் பணியாற்றி தகவல்களை சேகரித்து பூமிக்கு அனுப்பியது. மேலும் தற்போது வரை அது செயல்பாட்டில் இருப்பது குறிப்பிடத்தக்கது.
3rd card
விரைவில் ஓய்வு அறிவிக்கும் பல்ராம்
நாசாவின் பல முக்கிய விண்வெளித் திட்டங்களுக்கு மூலமாக செயல்பட்ட பல்ராம் விரைவில் ஓய்வு அறிவிக்கப் போவதாக தெரிவித்துள்ளார்.
மேலும் அவர் இந்தியா திரும்பி வந்து, இந்திய மாணவர்களுக்கு விண்வெளி மீதான ஆர்வத்தை அதிகரிக்கவும், இந்தியாவின் விண்வெளி ஆராய்ச்சிக்கு மேலும் பங்காற்ற இருப்பதாக தெரிவித்துள்ளார்.
பல்ராம் தனது வெற்றிக்கு காரணமாக, சென்னையில் உள்ள இந்திய தொழில்நுட்ப நிறுவனத்தில் தான் பெற்ற பயிற்சி என சுட்டிக்காட்டியவர், நூற்றுக்கணக்கான மாணவர்கள் அவர் போல் வளர்ந்து இந்தியாவிற்கு பெருமை சேர்ப்பார்கள் தெரிவித்துள்ளார்.