பிராங்க் வீடியோ செய்ததால் போலீசிடம் மீண்டும் சிக்கிய டிடிஎஃப் வாசன்; இம்முறை ஆந்திராவில் நடவடிக்கை
செய்தி முன்னோட்டம்
தமிழ்நாட்டில் பலமுறை சாலை விதிகளை மீறியதற்காக கைது செய்யப்பட்டுள்ள பிரபல யூடியூபர் டிடிஎஃப் வாசன் இம்முறை திருப்பதி ஏழுமலையான் கோவிலுக்குள் தன் நண்பர்களுடன் சேர்ந்து பக்தர்களிடம் பிராங்க் செய்து சிக்கிக்கொண்டுள்ளார்.
சாமி கும்பிடுவதற்காகக் பல மணிநேரம் காத்திருந்த பக்தர்களை ஏமாற்றும் விதத்தில் 'கோவிந்தா கோவிந்தா' என கூச்சலிட்டு எடுக்கப்பட்ட பிராங்க் வீடியோ இணையத்தில் வெளியானதும், பலத்த கண்டனத்தை ஈர்த்தது.
ட்விட்டர் அஞ்சல்
பிராங்க் வீடியோ
திருப்பதியில் சாமி தரிசனம் செய்ய வரிசையில் சென்ற போது பிராங்க் வீடியோ எடுத்து சமூக வலைதளத்தில் பதிவிட்ட டி.டி.எஃப். வாசன்.. பக்தர்கள் மனவருத்தம் அடையும் வகையில் பைத்தியக்கார செயலில் ஈடுபட்டோர் மீது நடவடிக்கை எடுக்கப்படும் என்று தேவஸ்தானம் அறிக்கை..#TTFVasan | #PrankVideo |… pic.twitter.com/T56sVYOpHF
— Polimer News (@polimernews) July 11, 2024
card 2
சம்மந்தப்பட்டவர்கள் மீது தேவஸ்தானம் நடவடிக்கை
இது கோவிலின் முதன்மை கண்காணிப்பு அதிகாரிகளின் கவனத்திற்கும், திருப்பதி தேவஸ்தான நிர்வாகம் கவனத்திற்கும் கொண்டு செல்லப்பட்டது.
இதனையடுத்து, பக்தர்கள் மன வருத்தம் அடையும் வகையில் இது போன்ற விரும்பத்தகாத செயல்களில் ஈடுபடும் நபர்கள் மீது கடும் நடவடிக்கை எடுக்கப்படும் என்று TTD அறிவித்துள்ளது.
இதனைத்தொடர்ந்து, டிடிஎஃப் வாசன் உள்ளிட்டோர் மீது ஆந்திர காவல்துறையிடம் புகார் அளிக்கத் தேவையான ஏற்பாடுகளை தேவஸ்தான விஜிலன்ஸ் துறை செய்து வருகிறது.