இதென்ன பாலிவுட்டிற்கு வந்த சோகம்; 2025இல் இதுவரை இரண்டு படங்கள் மட்டுமே வெற்றி
செய்தி முன்னோட்டம்
தென்னிந்திய படங்கள் கடந்த சில ஆண்டுகளாக பான் இந்தியா படமாக மிகப்பெரிய வெற்றிகளை குவித்து வரும் நிலையில், பாலிவுட் திரையுலகம் சோகமான நிலையை எதிர்கொண்டுள்ளது. தற்போதைய 2025ஆம் ஆண்டில் சாவா மற்றும் தி டிப்ளமேட் ஆகிய இரண்டு பாலிவுட் படங்கள் மட்டுமே பாக்ஸ் ஆபிஸ் வசூலில் குறிப்பிடத்தக்க தாக்கத்தை ஏற்படுத்த முடிந்தது. ஸ்கை ஃபோர்ஸ், தேவா, எமர்ஜென்சி மற்றும் ஆசாத் போன்ற பெரிய பட்ஜெட் வெளியீடுகள் இருந்தாலும், இவை தயாரிப்பு செலவுகளை மீட்டெடுக்க போராடியதோடு, பார்வையாளர்களை ஈர்க்கத் தவறின. ஜான் ஆபிரகாம் மற்றும் சாதியா கதீப் நடித்த தி டிப்ளமேட், இந்த ஆண்டின் இரண்டாவது வெற்றியாக அமைதியாக அதன் இடத்தைப் பிடித்துள்ளது.
வசூல்
வசூல் நிலவரம்
22 நாட்களுக்கு முன்பு வெளியான தி டிப்ளமேட் திரைப்படம், ரூ.20 கோடி என்ற மிதமான பட்ஜெட்டிற்கு எதிராக ரூ.37 கோடிக்கு மேல் வருவாயை ஈட்டியுள்ளது. இது முதலீட்டில் 185% வருமானத்தை ஈட்டியுள்ளது. உண்மை சம்பவங்களால் ஈர்க்கப்பட்டு, சிவம் நாயர் இயக்கிய இந்தப் படம் முதல் வாரத்தில் ரூ.19.45 கோடியும், இரண்டாவது வாரத்தில் ரூ.10.68 கோடியும், மூன்றாவது வாரத்தில் ரூ.5.30 கோடியும் வசூலித்தது. மறுபுறம், விக்கி கௌஷல் மற்றும் அக்ஷய் குமார் நடித்த சாவா, 2025 ஆம் ஆண்டின் தெளிவான முன்னணியில் உள்ளது. 50 நாட்களுக்கும் மேலாக திரையரங்குகளில் ஓடிய இந்தப் படம், ரூ.600 கோடிக்கும் மேல் வசூலித்துள்ளது, இதுவரை இந்த ஆண்டில் பாலிவுட்டின் ஒரே பிளாக்பஸ்டர் படமாக இது அமைந்துள்ளது.