நாளை தங்கலான் படத்தின் இசை வெளியீட்டு விழா சென்னையில் நடைபெறுகிறது
நடிகர் 'சீயான்' விக்ரம் நடிப்பில், இயக்குனர் பா.ரஞ்சித் இயக்கத்தில் உருவாகியுள்ள 'தங்கலான்' திரைப்படத்தின் இசை வெளியீட்டு விழா நாளை சென்னையில் நடைபெறவுள்ளது. இப்படத்திலிருந்து ஏற்கனவே இரண்டு பாடல்கள் வெளியான நிலையில், நாளை பிரமாண்ட இசைவெளியீட்டு விழா நடைபெறவுள்ளது. இப்படத்திற்கு இசையமைத்திருப்பது ஜி.வி.பிரகாஷ் குமார். பிரிட்டிஷ் ஆட்சிக்காலத்தில், கோலார் தங்க வயலில் பழங்குடி மக்கள் எப்படி தங்கம் எடுக்கும் பணிக்கு அடிமை படுத்தப்பட்டனர் என்பதே இப்படத்தின் கரு என்பது இப்படத்தின் ட்ரைலர் மூலம் தெரியவருகிறது. இப்படத்தில் விக்ரம் தவிர, பார்வதி, மாளவிகா மோஹனன், பசுபதி என பலரும் நடித்துள்ளனர். இப்படத்தினை ஜியோ ஸ்டுடியோஸும், ஸ்டுடியோ கிரீன் நிறுவனமும் இணைந்து தயாரித்துள்ளது. வரும் ஆகஸ்ட் 15 ஆம் தேதி அன்று இப்படம் வெளியாகிறது.
