STR 49: சிம்புவுடன் முதல் முறையாக இணையும் ராக்ஸ்டார்
செய்தி முன்னோட்டம்
நடிகர் சிலம்பரசன் STR 49 படத்திற்கு இயக்குனர் அஸ்வத் மாரிமுத்து உடன் இணைகிறார். இதற்கான அறிவிப்பு இரு தினங்களுக்கு முன் வெளியானது. முன்னதாக சிலம்பரசன் STR 48 படத்திற்காக தேசிங்கு பெரியசாமியுடன் இணைவதாக தெரிவிக்கப்பட்டது. எனினும் அந்த படவேலைகள் தொடங்கும் முன்னரே அஸ்வத் மாரிமுத்துவின் படவேலைகள் டிசம்பர் மாதம் துவங்கும் என தெரிவிக்கப்பட்டுள்ளது. STR 49இல், சிம்பு பலரும் நீண்ட நாட்களாக எதிர்பார்த்த வின்டேஜ் லுக்கில் தோன்றவுள்ளார். இதற்கான போஸ்டர் உடன் அறிவிப்பு வெளியான நிலையில், நேற்று சிம்புவுடன் ஒரு புகைப்படத்தை அஸ்வத் பகிர்ந்திருந்தார். காளை, மன்மதன் காலத்து சிம்புவை மீண்டும் திரையில் காண ரசிகர்கள் ஆர்வமுடன் இருப்பதால், அதை போன்றதொரு தோற்றத்தில் இப்படத்தில் நடிக்கிறார் சிம்பு.
இசையமைப்பாளர்
இசையமைப்பாளர் யார்?
இந்த நிலையில் STR 49 படத்திற்கு, சிம்புவின் ஃபேவரைட் இசையமைப்பாளரான யுவன் ஷங்கர் ராஜா இசையமைக்கபோவதில்லை என செய்திகள் வெளியாகியுள்ளது. மாறாக இப்படத்திற்கு ராக்ஸ்டார் அனிருத் இசையமைக்கவுள்ளாராம். அப்படியென்றால், சிலம்பரசனுடன் அனிருத் இணையும் முதல் படம் இது. முன்னதாக இவர்கள் இருவரும் இணைந்து ஒரு சிங்கள் பாடல் வெளியிட்டு சர்ச்சை ஆனது நினைவிருக்கலாம். சிலம்பரசன் தற்போது கமல்ஹாசன் உடன் இணைந்து, மணிரத்னம் இயக்கத்தில் 'தக் லைஃப்' படத்தில் நடித்து முடித்துள்ளார். இப்படம் வெளியீட்டிற்கு தயாராகி வருகிறது.