தலைவர் 170 ஷூட்டிங் இன்று துவக்கம்; கொச்சின் செல்லும் ரஜினிகாந்த்- வைரலாகும் வீடியோ
ரஜினிகாந்த், தனது அடுத்த படத்தின் ஷூட்டிங்கில் கலந்து கொள்ள கொச்சின் விரைந்துள்ளார். இவர் ஏர்போர்ட்டில் நிருபர்களின் கேள்விக்கு பதிலளிக்கும் வீடியோ வைரலாகியுள்ளது. ரஜினி, 'ஜெயிலர்' படத்தையடுத்து, TJ.ஞானவேல் இயக்கத்தில் ஒரு சமூக பிரச்னை பற்றி பேசும் திரைப்படத்தில் நடிக்க போகிறார் எனக்கூறப்பட்டது. 'ஜெய் பீம்' மூலம் இந்தியாவின் கவனத்தை தன் பக்கம் ஈர்த்த ஞானவேலின் அடுத்த திரைப்படம் இது என்பதால் கூடுதல் எதிர்பார்ப்பு கிளம்பியுள்ளது. மாஸ் என்டேர்டைனராக ஜெய்லரில் நடித்த ரஜினிகாந்த், அடுத்ததாக 'தலைவர்-170' திரைப்படத்தில் ஒரு முன்னாள் காவலதிகாரி வேடத்தில் நடிக்கவுள்ளதாகவும், போலி என்கவுண்டர் பற்றிய கதை எனவும் செய்திகள் தெரிவிக்கின்றன. அனிருத் இசையமைக்கவுள்ள இத்திரைப்படத்தை, லைகா நிறுவனம் தயாரிக்கிறது. மஞ்சு வாரியார், ராணா மற்றும் பலர் முக்கிய வேடத்தில் நடிக்கின்றனர்.