இளையராஜாவிடம் ஆசி பெற்ற புதுமண தம்பதிகள் பிரேம்ஜி- இந்து
செய்தி முன்னோட்டம்
கடந்த ஞாயிற்றுகிழமை இசையமைப்பாளர்-இயக்குனர் கங்கை அமரனின் இளைய மகனும், இயக்குனர் வெங்கட் பிரபுவின் தம்பியுமான நடிகர் பிரேம்ஜிக்கு திருமணம் நடைபெற்றது. திருத்தணியில் எளிமையாக நெருங்கிய நண்பர்கள் மற்றும் குடும்பத்தினர் முன்னிலையில் நடைபெற்ற இந்த திருமண நிகழ்விற்கு பிரேம்ஜியின் பெரியப்பா இளையராஜாவின் குடும்பத்தினர் யாரும் வரவில்லை. இது இணையத்தில் சர்ச்சையாக மாறிக்கொண்டிருந்த வேளையில், நேற்று பிரேம்ஜி மற்றும் அவரது மனைவி இந்து இருவரும், இளையராஜாவை நேரில் சந்தித்து ஆசிர்வாதம் பெற்றனர். இந்த புகைப்படம் தற்போது வைரலாகி வருகிறது. பிரேம்ஜியின் திருமணத்தில் வெங்கட் பிரபு, நடிகர் ஜெய், மிர்ச்சி சிவா, வைபவ் உள்ளிட்ட சென்னை 600028 நடிகர்கள் பலரும் கலந்து கொண்டனர். இவர்களோடு, பாடகர் யுகேந்திரன், பாடகர் கிருஷ், நடிகை சங்கீத உள்ளிட்டோரும் கலந்து கொண்டனர்.
ட்விட்டர் அஞ்சல்
புதுமண தம்பதிகள் பிரேம்ஜி- இந்து
இளையராஜாவிடம் ஆசி பெற்ற புதுமண தம்பதிகள் பிரேம்ஜி- இந்து #Ilaiyaraja #Premji #Dinakarannews pic.twitter.com/gqsRO9DAQL
— Dinakaran (@DinakaranNews) June 13, 2024