பிரேம்ஜிக்கு திருமணம்: தாலிக்கட்டியதும் முத்தம் கொடுத்த வீடியோ வைரல்
செய்தி முன்னோட்டம்
பிரபல நடிகர், பாடகர் மற்றும் இசையமைப்பாளரான பிரேம்ஜி அமரனுக்கு இன்று திருத்தணியில் வைத்து நெருங்கிய உறவினர்கள் மத்தியில் திருமணம் நடந்து முடிந்தது.
பணக்கார இசைக் குடும்பத்தில் பிறந்த பிரேம்ஜி, சிறு வயதிலிருந்தே பாடுவதிலும் இசைக்கருவிகளை வாசிப்பதிலும் திறமை பெற்றவராக இருந்தார்.
பிரபல இசையமைப்பாளர் கங்கை அமரனின் மகனான இவருக்கு தற்போது 45 வயதாகிறது.
2003 ஆம் ஆண்டு முதல் தமிழ் திரையுலகில் நடிகராக பயணித்து வரும் பிரேம்ஜி அமரன், 2005 ஆம் ஆண்டு வெளியான "நியாபகம் வருதே" படத்தின் மூலம் இசையமைப்பாளராக அறிமுகமானார்.
அதற்கு பின் இவர் பல தமிழ் படங்களுக்கு இசையமைப்பாளராக பணியாற்றினார். பல நல்ல பாடல்களையும் இவர் பாடியுள்ளார்.
தமிழ் திரையுலகம்
நெருங்கிய நண்பர்கள் மட்டும் கலந்து கொண்ட பிரேம்ஜியின் திருமணம்
இவர் வெளிநாடுகளில் இசை தொடர்பான படிப்புகளையும் படித்துள்ளார் என்பது குறிப்பிடத்தக்கது.
இந்நிலையில், அவரது சகோதரரும் இயக்குனருமான வெங்கட் பிரபு, தனது தம்பிக்கு திருமணமாகும் விஷயத்தை சில நாட்களுக்கு முன் ட்விட்டரில் பகிர்ந்து கொண்டார்.
இன்று திருத்தணியில் வைத்து நடைபெற்ற அவரது திருமணத்தில் கன்கை அமரன், வெங்கட் பிரபு, நடிகர் ஜெய், வைபவ், பாடகர் கிருஷ் உள்ளிட்டோர் கலந்து கொண்டனர்.
இந்நிலையில், தனது மனைவி இந்துவுக்கு அவர் தாலி கட்டிவிட்டு முத்தம் கொடுக்கும் வீடியோ தற்போது இணையத்தில் வைரலாகி வருகிறது.
நேற்று அவரது நிச்சயதார்த்த புகைப்படங்களும் வெளியாகி வைரலாகியது.
ட்விட்டர் அஞ்சல்
பிரேம்ஜியின் திருமண வீடியோ
#Watch | இந்துவை கரம்பிடித்த நடிகர் பிரேம்ஜி ❤️
— Sun News (@sunnewstamil) June 9, 2024
திருத்தணி முருகன் கோயிலில் குடும்பத்தினர் மற்றும் நண்பர்கள் முன்னிலையில் நடிகர் பிரேம்ஜிக்கு திருமணம் நடைபெற்றது!#SunNews | #PremgiKuKalyanam | #Premgi | @vp_offl | @Premgiamaren pic.twitter.com/E7yUvsfdKc