நயன்தாராவின் டாகுமெண்டரி படம் 'பியாண்ட் தி ஃபேரி டேல்' எப்படி இருக்கிறது? ரசிகர்கள் கருத்து
நவம்பர் 18 அன்று நெட்ஃபிலிக்ஸ்-இல் வெளியான நயன்தாரா: பியோண்ட் தி ஃபேரி டேல் என்ற மிகவும் எதிர்பார்க்கப்பட்ட ஆவணப்படம் வெளியாகும் முன்னரே சமூக ஊடகங்களில் பல எதிர்வினைகளை ஈர்த்தது. அதற்கு காரணம், நயன்தாரா, தனுஷிற்கு காட்டமாக எழுதிய கடிதம். இந்த நிலையில் இன்று நயன்தாராவின் 40வது பிறந்தநாளை முன்னிட்டு Netflix-இல் இந்த ஆவணப்படம் ஸ்ட்ரீம் ஆகியுள்ளது. இந்த ஆவணப்படம், நயன்தாராவின் வாழ்க்கையில், திரைக்குப் பின்னால் பார்வையாளர்களை அழைத்துச் செல்கிறது. மேலும் இதில் நயன்தாரா, காதல் தோல்விகளிலிருந்து இயக்குனர் விக்னேஷ் சிவனுடனான அவரது காதல் திருமணம் வரையிலான அவரது பயணத்தை விவரிக்கிறது. அதிக எதிர்பார்ப்பு இருந்தபோதிலும், இந்த ஆவணப்படத்திற்கான விமர்சனங்கள் இணையத்தில் கலவையான விமர்சனத்தையே பெற்றுள்ளது.
