நாடாளுமன்ற தேர்தலில் பாஜக சார்பில் போட்டியிடும் கங்கனா ரனாவத்?
செய்தி முன்னோட்டம்
பாலிவுட் நடிகை கங்கனா ரனாவத் அடுத்தாண்டு நடைபெறும் நாடாளுமன்ற தேர்தலில், பாஜக சார்பில் போட்டியிட உள்ளதாக அவரது தந்தை தெரிவித்துள்ளார்.
ஹிந்தி திரையுலகில் முக்கிய நடிகையாக வலம் வரும் கங்கனா ரனாவத், தமிழிலும் சமீபத்தில் வெளியான சந்திரமுகி 2, தாம் தூம், முன்னாள் முதல்வர் ஜெயலலிதாவின் வாழ்க்கை வரலாற்று படமான தலைவி உள்ளிட்ட திரைப்படங்களில் நடித்துள்ளார்.
தற்போது, முன்னாள் பிரதமர் இந்திரா காந்தியின் வாழ்க்கை வரலாற்று படமான எமர்ஜென்சி என்ற படத்திலும் நடித்து வருகிறார். இப்படம் அடுத்த ஆண்டு வெளியாக உள்ளது.
இந்நிலையில், தொடர்ந்து சில ஆண்டுகளாகவே பாஜக தலைவர்களுடன் நெருக்கம் காட்டி வந்த கங்கனா, தேர்தலில் போட்டியிட வாய்ப்புள்ளதாகவும் கூறப்பட்டது.
2nd card
கங்கனா தேர்தலில் போட்டியிடுவதை உறுதி செய்த அவரது தந்தை
தற்போது அடுத்தாண்டு தேர்தலில், பாஜக சார்பில் கங்கனா போட்டியிடுவதை அவரது தந்தை அமர்தீப் நியூஸ்18 தொலைக்காட்சிக்கு உறுதி செய்துள்ளார்.
இருப்பினும், அவர் எந்த தொகுதியில் போட்டியிடுவார் என்பதை, கட்சி இன்னும் முடிவு செய்யவில்லை என தெரிவித்திருந்தார்.
கடந்த ஞாயிற்றுக்கிழமை, பாஜக தலைவர் ஜேபி நட்டாவை கங்கனா ரனாவத் சந்தித்த பின்னர், ஹிமாச்சல் பிரதேசத்தில் உள்ள பிலாஸ்பூர் பகுதியில் நடைபெற்ற, ஆர்எஸ்எஸ் முகாமில் பங்கேற்றார்.
மேலும், அவரது கருத்துக்களும், ஆர்எஸ்எஸ் தத்துவமும் இணக்கமானவை என்று அவர் கூறியது குறிப்பிடத்தக்கது.
மண்டி மக்களவைத் தொகுதி அல்லது சண்டிகரில், கங்கனா போட்டியிடுவதற்கான பேச்சுவார்த்தைகள் நடைபெற்று வருவதாக கூறப்படுகிறது.
ட்விட்டர் அஞ்சல்
அரசியலில் கால் பதிக்கும் கங்கனா
Superstar Kangana Ranaut is all set to launch her political career by contesting 2024 elections next year.
— Times Algebra (@TimesAlgebraIND) December 20, 2023
Her father, Amardeep Ranaut said that Kangana will contest exclusively on BJP ticket 🔥🔥
The revelation follows a recent meeting between Kangana Ranaut and BJP's National… pic.twitter.com/YS62u5y4QN