கல்கி 2898 கிபி: படவெளியீட்டிற்கு முன்னரே 4 எபிசோடுகள் கொண்ட முன்கதை வெளியாகிறது
செய்தி முன்னோட்டம்
கமல்ஹாசன், பிரபாஸ் நடிப்பில் இந்தாண்டின் மிகவும் எதிர்பார்க்கப்படும் திரைப்படமான 'கல்கி 2898 AD', ஜூன் 27 அன்று திரைக்கு வருவதற்கு முன் நான்கு எபிசோடுகள் கொண்ட ஒரு முன்கதையை வெளியிட உள்ளது என பிங்க்வில்லா தெரிவித்துள்ளது.
நாக் அஷ்வின் இயக்கத்தில் உருவாகி இருக்கும் இப்படத்தின் முதல் இரண்டு முன்னோட்டங்கள் ஜூன் முதல் வாரத்தில் வெளியிடப்படும் என்றும், மீதமுள்ள இரண்டு விரைவில் வெளியிடப்படும் என்றும் கூறப்படுகிறது.
ஒவ்வொரு அத்தியாயமும் 20 முதல் 25 நிமிடங்கள் வரை நீடிக்கும் என்று எதிர்பார்க்கப்படுகிறது.
இது இந்தியாவின் மிக விலையுயர்ந்த திரைப்படத் தயாரிப்புகளாக இருக்கும் இப்படத்தினை சுற்றியுள்ள எதிர்பார்ப்பை மேலும் அதிகரிக்கிறது.
ரசிகர்களின் மீட்
ஃபேன்ஸ் மீட் மற்றும் முன்கதைகளின் OTT வெளியீடு
திரையரங்க வெளியீட்டிற்கு முன்னதாக ஹைப் உருவாக்க, தயாரிப்பாளர்கள் பிரபாஸ் இடம்பெறும் ஒரு நேரடியான இன்டெராக்சன் நிறைந்த ஃபேன்ஸ் மீட்டிற்கு திட்டமிட்டுள்ளனர்.
பிரபாஸ் ரசிகர்களுக்கான ஃபேன்ஸ் மீட், மே 22 ஆம் தேதி திட்டமிடப்பட்டுள்ளது.
முன்கதை எபிசோடுகளில் திரைப்படத்தில் இருந்து பிரபாஸின் கதாபாத்திரத்தை வெளிப்படுத்தும் வகையில் அனிமேஷன் செய்யப்பட்டு நேரடியாக ஓடிடி தளங்களில் வெளியிடப்பட உள்ளன.
இந்த எபிசோடுகளுக்கு பிரபாஸ் தனது கதாபாத்திரத்திற்கு தானே டப்பிங் செய்துள்ளார்.
கல்கி 2898 AD என்பது இந்து புராணங்களால் ஈர்க்கப்பட்ட ஒரு அறிவியல் புனைகதை திரைப்படம். இதில் பிரபாஸ் ஒரு எதிர்கால ஹீரோ பாத்திரத்தில் நடித்துள்ளார்.இந்தப் படத்தில் கமல்ஹாசன், அமிதாப் பச்சன் , தீபிகா படுகோன் மற்றும் திஷா பதானி உள்ளிட்ட பலர் நடித்துள்ளனர்.