திருச்சிற்றம்பலம் படத்தின் 'மேகம் கருக்காதா' பாடலுக்காக ஜானி மாஸ்டருக்கு அறிவிக்கப்பட்ட தேசிய விருது தற்காலிகமாக ரத்து
நடன இயக்குனர் ஜானி மாஸ்டருக்கு அறிவிக்கப்பட்ட தேசிய விருதை தற்காலிகமாக ரத்து செய்வதாக மத்திய தகவல் மற்றும் ஒளிபரப்பு (ஐ&பி)அமைச்சகம் வெள்ளிக்கிழமை (அக்டோபர் 4) அறிவித்தது. தன்னுடன் பணிபுரிந்த ஒரு பெண்ணை பாலியல் பலாத்காரம் செய்ததாகக் கூறி ஏமாற்றப்பட்ட வழக்கில் ஜானி மாஸ்டர் கைது செய்யப்பட நிலையில், இந்த முடிவு எடுக்கப்பட்டுள்ளது. ஜானி மாஸ்டர் 2022ஆம் ஆண்டு வெளியான தமிழ் திரைப்படமான திருச்சிற்றம்பலம் படத்தில் இடம்பெற்ற மேகம் கருக்காத பாடலுக்காக சிறந்த நடன அமைப்பாளருக்கான தேசிய விருதை வென்றார். இந்த பாடலின் மற்றொரு நடன இயக்குனரான சதீஷ் கிருஷ்ணனுடன் இணைந்து அவர் இந்த விருதைப் பெறவிருந்தார்.
ஜானி மாஸ்டர் மீதான குற்றச்சாட்டுகள்
ஜானி மாஸ்டர் செப்டம்பர் 19 அன்று ஹைதராபாத் காவல்துறையால் கைது செய்யப்பட்டு சிறையில் அடைக்கப்பட்டார். ஜானி மாஸ்டரிடம் உதவி நடன இயக்குனராகப் பணியாற்றிய பெண் ஒருவர், காவல்துறையில் அளித்த புகாரில், ஜானி மாஸ்டர் 2020ஆம் ஆண்டு மும்பைக்கு வேலை நிமித்தமாக சென்றபோது தன்னை பாலியல் ரீதியாகத் துன்புறுத்தியதாக குற்றம் சாட்டினார். மேலும், அதிலிருந்து தன்னிடம் பாலியல் துன்புறுத்தலைத் தொடர்ந்ததாகவும், அதை யாரிடமும் தெரிவிக்கக் கூடாது என்று மிரட்டியதாகவும் அவர் கூறினார். இந்த சம்பவம் நடந்ததாக சொல்லப்படும் காலத்தில் அந்த பெண் மைனர் என்பதால் போக்சோ சட்டப் பிரிவும் சேர்க்கப்பட்டுள்ளது. தற்செயலாக, தேசிய திரைப்பட விருது வழங்கும் விழாவில் கலந்து கொள்ள ஜானிக்கு இந்த வாரம் இடைக்கால ஜாமீன் வழங்கப்பட்டது குறிப்பிடத்தக்கது.
