மீண்டும் மாணவர்களைச் சந்திக்கிறார் விஜய்; தவெக வெளியிட்ட அறிவிப்பு
நடிகர் விஜய் ஆண்டுதோறும் 10 மற்றும் 12 பொதுத்தேர்வில் மாவட்டந்தோறும் முதல் மூன்று மதிப்பெண்கள் பெற்ற மாணவர்களை அழைத்து, பாராட்டு பாத்திரமும், காசோலையும் வழங்கி பாராட்டு தெரிவிப்பதை வழக்கமாக வைத்துள்ளார். அதிலும் குறிப்பாக சென்ற ஆண்டு இந்த நிகழ்ச்சியை பெரிய அளவில் நடத்திக்காட்டினர் அவரின் ரசிகர்கள். அதிலும் மாநிலத்தில் முதல் மதிப்பெண் பெற்ற மாணவிக்கு வைர நெக்லெசும் பரிசாக அளித்தார். அதன்பின்னரே அவர் கட்சி தொடங்குவது பற்றிய அறிவிப்பு வந்தது. இந்த சூழலில், இந்த ஆண்டும் அவர் மாணவர்களை சந்திக்க உள்ளார். இது சார்ந்த அறிவிப்பு அவரது தமிழக வெற்றி கழக கட்சியின் எக்ஸ் பக்கத்தில் வெளியாகியுள்ளது. விஜய் GOAT பட ஷூட்டிங் நிறைவடைந்ததும் இது பற்றிய விரிவான அறிவிப்பு வெளியாகுமென எதிர்பார்க்கப்படுகிறது.
மாணவர்களைச் சந்திக்கிறார் விஜய்!
தமிழ்நாடு, புதுச்சேரியில் அண்மையில் நடைபெற்ற 12 மற்றும் 10ஆம் வகுப்புப் பொதுத் தேர்வுகளில் தேர்ச்சி பெற்ற மாணவச் செல்வங்கள் அனைவருக்கும் நெஞ்சார்ந்த பாராட்டுகள். மற்றவர்கள் தன்னம்பிக்கையுடன் மீண்டும் முயன்று, வெற்றி பெற வாழ்த்துகள். விரைவில் நாம் சந்திப்போம்! pic.twitter.com/OUYZYhl5Ni— TVK Vijay (@tvkvijayhq) May 10, 2024
