தொடர்ந்து சரிவை சந்தித்த தங்கம் விலை; இன்றைய (ஜூன் 9) விலை நிலவரம்
செய்தி முன்னோட்டம்
கடந்த சில மாதங்களாக தொடர்ந்து அதிகரித்து வந்த விலை உயர்வுகளுக்குப் பிறகு, தற்போது தங்க விலை தொடர்ந்து சரிவை சந்தித்து வருகிறது.
ஏப்ரலில் வரலாற்று உச்சத்தைத் தொட்டு, பின்னர் மே மாதத்தில் ஏற்பட்ட ஏற்ற இறக்கத்துடன் இருந்த தங்க விலையில், திங்கட்கிழமையும் (ஜூன் 9) தொடர்ந்து இரண்டாவது நாளாக சரிவு ஏற்பட்டுள்ளது.
முன்னதாக, சனிக்கிழமை அன்று, சென்னையில் 22 காரட் ஆபரண தங்கத்தின் விலை ஒரு கிராமுக்கு ₹150 குறைந்து, ₹8,980 ஆகவும், ஒரு சவரனுக்கு ₹1,200 சரிந்து ₹71,840 ஆகவும் இருந்தது.
இந்நிலையில், தற்போது திங்கட்கிழமை விலை மேலும் சரிந்து, ஒரு கிராமுக்கு ₹25 குறைந்து, ₹8,955 ஆகவும், ஒரு சவரனுக்கு ₹200 சரிந்து ₹71,640 ஆகவும் உள்ளது.
வெள்ளி விலை
வெள்ளி விலை உயர்வு
இதேபோல், 18 காரட் தங்கத்தின் விலையும் குறிப்பிடத்தக்க அளவில் குறைந்துள்ளது. ஒரு கிராமுக்கு ₹40 குறைந்து, தற்போது ஒரு கிராமுக்கு ₹7,345 ஆகவும், ஒரு சவரனுக்கு ₹58,760 ஆகவும் விற்கப்படுகிறது.
இது முந்தைய விலையை விட ₹58,760 ஆகக் குறைந்துள்ளது. இதற்கிடையே, வெள்ளி விலை உயர்வை சந்தித்துள்ளது.
வெள்ளி விலை ஒரு கிராமுக்கு ₹1 அதிகரித்து ₹118 ஆகவும், ஒரு கிலோவுக்கு ₹1,18,000 ஆகவும் விற்பனையாகிறது.
தங்கத்தின் விலையில் ஏற்பட்ட திடீர் சரிவு, குறிப்பாக வரவிருக்கும் திருமணம் மற்றும் பண்டிகை காலங்களை முன்னிட்டு, சாத்தியமான வாங்குபவர்களிடையே ஆர்வத்தைத் தூண்டியுள்ளது.
இதற்கிடையே, உலகளாவிய பொருளாதார காரணிகள் தொடர்ந்து தங்க விலைகளை பாதிக்கும் என்பதால், ஏற்ற இறக்கங்கள் நீடிக்கும் என நிபுணர்கள் அறிவுறுத்துகின்றனர்.