ஆப்கானிஸ்தானை பின்னுக்குத் தள்ளி அபின் உற்பத்தியில் முதலிடம் பிடித்த மியான்மர்
செய்தி முன்னோட்டம்
ஆப்கானிஸ்தானை பின்னுக்கு தள்ளி, மியான்மர் உலகின் மிகப்பெரிய அபின் உற்பத்தியாளராக உருவெடுத்துள்ளதாக ஐநா அறிக்கை கூறுகிறது.
கடுமையான போதைப்பொருளான ஹெராயினை தயாரிக்க, முக்கியமான மூலப்பொருளான அபின் உற்பத்தி, மியான்மரில் இந்த ஆண்டு 36% அதிகரித்து, 1,080 டன்களாக உயர்ந்துள்ளது.
உள்நாட்டு கலவரங்கள் மற்றும் கசகசா சாகுபடிக்கு ஆப்கானிஸ்தானில் தாலிபான்கள் தடை விதித்தது ஆகியவை, மியான்மரில் அதிகரித்துள்ள அபின் உற்பத்திக்கு காரணமாக குறிப்பிடுகிறது.
இருப்பினும் இந்த ஆண்டு, ஆப்கானிஸ்தான் 330 டன் அபின் உற்பத்தி செய்துள்ளதாக மதிப்பிடப்பட்டுள்ளது.
உலக அளவில் விற்பனை செய்யப்படும் ஹெராயனுக்கு, ஆப்கானிஸ்தான் மற்றும் மியான்மர் நாடுகள் முக்கிய உற்பத்தியாளராக உள்ளது குறிப்பிடத்தக்கது.
2nd card
கிலோ $356க்கு விற்பனையாகும் அபின்
போதைப்பொருள் மற்றும் குற்றங்களுக்கான ஐக்கிய நாடுகளின் அலுவலகம் (UNODC) அறிக்கை, கடந்த 2021 ஆம் ஆண்டு ராணுவம் ஆட்சியை கைப்பற்றியது முதல், மியான்மரில் உறுதியற்ற தன்மை மற்றும் மோதல் நிகழ்வாக கூறுகிறது.
நியாயமான பொருளாதார வாய்ப்புகள், சந்தைகள், தேசிய உள்கட்டமைப்பிற்கான தடையற்ற அணுகல் இல்லாதது, பணவீக்கம் உள்ளிட்டவை, நேர்மையான வழியில் மக்கள் பணம் ஈட்டுவதை கடினமாக்குவதால்,
இவ்வாறான சட்டவிரோத வழிகளில் மக்கள் பணம் சம்பாதிப்பதாக அந்த அறிக்கை தெரிவிக்கிறது.
புதிய மற்றும் உலர்ந்த அபின், அறுவடை நேரத்தில் சராசரி விலைகள் கிலோவிற்கு $317 முதல் $356 ஆக விற்பனையாகிறது.
மேலும் அந்த அறிக்கை மியான்மரில், அபின் சாகுபடி செய்யப்படும் பரப்பளவு கடந்த ஆண்டை விட 18% அதிகரித்துள்ளதாக தெரிவித்துள்ளது குறிப்பிடத்தக்கது.