தேர்தல் கருத்துக்கணிப்புகள் பாஜகவுக்கு சாதமாக வந்ததை அடுத்து பங்குச் சந்தையில் பெரும் முன்னேற்றம்
செய்தி முன்னோட்டம்
பாஜக தான் வெற்றி பெறும் என்று கூறும் பொது தேர்தல் கருத்துக்கணிகள் வெளியாகி இரண்டு நாட்கள் ஆகும் நிலையில், பங்குச் சந்தை இன்றைய ஆரம்ப வர்த்தகத்தில் பெரும் முன்னேற்றத்தை பதிவு செய்துள்ளது.
அரசியல் ஸ்திரத்தன்மையின் நம்பிக்கையில் இந்த முன்னேற்றம் ஏற்பட்டுள்ளதாக கூறப்படுகிறது.
இன்று காலை 30-பங்குகளின் சென்செக்ஸ் 2,000 புள்ளிகளுக்கு மேல் உயர்ந்தது.
அதே நேரத்தில் 50-பங்குகள் கொண்ட நிஃப்டி நான்கு ஆண்டுகள் இல்லாத மிகப்பெரிய முன்னேற்றத்தை பதிவு செய்துள்ளது.
மும்பை பங்குச் சந்தை மற்றும் தேசிய பங்குச் சந்தையின் குறியீட்டு எண்களான சென்செக்ஸ் மற்றும் நிஃப்டி இரண்டும் இன்று அதிகபட்ச உச்சத்தை எட்டின.
இந்தியா
அதானி குழும பங்குகள் உயர்வு
அனைத்து சென்செக்ஸ் மற்றும் நிஃப்டி பங்குகளும் இப்போது பச்சை நிறத்தில் உள்ளன.
இன்று பங்கு சந்தை தொடங்குவதற்கு முன், நிஃப்டி 800 புள்ளிகள் அல்லது 3.58% உயர்ந்து 23,227.90 ஆகவும், சென்செக்ஸ் 2,621.98 புள்ளிகள் அல்லது 3.55% உயர்ந்து 76,583.29 ஆகவும் இருந்தது.
அதானி போர்ட்ஸ், அதானி எண்டர்பிரைசஸ், பவர் கிரிட், ஸ்ரீராம் ஃபைனான்ஸ், மற்றும் என்டிபிசி ஆகியவை கணிசமான லாபத்துடன் சந்தையில் முன்னணியில் உள்ளன.
சமீபத்திய GDP தரவு, நாட்டின் வலுவான 8.2% நிதி வளர்ச்சியைப் பரிந்துரைக்கிறது. எனவே, அந்த சந்தை போக்குகளிலும் பிரதிபலிக்கின்றன.
பிஎஸ்இயில் அனைத்து பட்டியலிடப்பட்ட நிறுவனங்களின் மொத்த சந்தை மூலதனமும் ரூ.11 லட்சம் கோடிக்கு மேல் உயர்ந்து முதலீட்டாளர்களை பணக்காரர்களாக்கியது.