லியோனல் மெஸ்ஸியின் 'லாஸ்ட் டான்ஸ்': ஏஎஃப்ஏ அதிகாரப்பூர்வ அறிவிப்பு
செய்தி முன்னோட்டம்
சர்வதேச கால்பந்து உலகின் தலைசிறந்த நட்சத்திரமான லயனல் மெஸ்ஸி, அர்ஜென்டினா தேசிய அணியில் இருந்தும் சர்வதேச கால்பந்து போட்டிகளில் இருந்தும் தனது ஓய்வை அதிகாரப்பூர்வமாக அறிவித்துள்ளார். இருப்பினும், தனது தாய்நாட்டு ரசிகர்களுக்காக வரும் அக்டோபர் 6-ஆம் தேதி அர்ஜென்டினா சீருடையில் அவர் தனது கடைசி விடைபெறும் ஆட்டத்தில் விளையாடவுள்ளார். 2026 உலகக்கோப்பை இறுதிப்போட்டியில் ஸ்பெயின் அணியிடம் அடைந்த தோல்விக்கு உடனேயே இந்த முடிவை மெஸ்ஸி எடுத்ததாக கூறப்படும் நிலையில், ஆகஸ்ட் 31 அன்று அவர் தனது ஓய்வு முடிவை முறைப்படி அறிவித்தார்.
அர்ஜென்டினா
அக்டோபர் 6: 'லாஸ்ட் டான்ஸ்' அர்ஜென்டினாவில் பிரம்மாண்ட வரவேற்பு
அர்ஜென்டினா தேசிய அணி அடுத்ததாக செப்டம்பர் 30 அன்று பொலிவியாவுக்கு எதிராகவும், அக்டோபர் 3 அன்று புர்கினா பாசோவுக்கு எதிராகவும் நட்பு ரீதியிலான போட்டிகளில் விளையாடவுள்ளது.
இதனைத் தொடர்ந்து, அக்டோபர் 6 அன்று பியூனஸ் அயர்ஸில் உள்ள வரலாற்றுச் சிறப்புமிக்க 'எஸ்டாடியோ மான்யுமென்டல்' மைதானத்தில் பெனின் அணிக்கு எதிராக நடைபெறவுள்ள நட்புப் போட்டியில், பயிற்சியாளர் லியோனல் ஸ்கலோனி அறிவித்துள்ள 26 பேர் கொண்ட முதற்கட்ட அணியில் லயனல் மெஸ்ஸி சேர்க்கப்பட்டுள்ளார்.
இப்போட்டியே மெஸ்ஸி அர்ஜென்டினாவுக்காக விளையாடும் கடைசிப் போட்டியாகும்.