2024 ஜனவரியில் இந்தியாவில் வெளியாகவிருக்கும் ஹூண்டாய் க்ரெட்டா ஃபேஸ்லிப்ட்
செய்தி முன்னோட்டம்
இந்தியாவில் எஸ்யூவி பிரிவில் போட்டியிடும் முன்னணி கார்களுகள் ஒன்று ஹூண்டாய் நிறுவனத்தின் க்ரெட்டா மாடல். இந்த காரின் ஃபேஸ்லிப்ட் வெர்ஷன் ஒன்றை இந்திய சாலைகளில் ஹூண்டாய் நிறுவனம் சோதனை செய்து வந்த நிலையில், தற்போது அதன் வெளியீட்டுத் தேதியை அதிகாரப்பூர்வமாக அறிவித்திருக்கிறது அந்நிறுவனம்.
அதன் படி, வரும் ஜனவரி மாம்த 16ம் தேதியன்று, இந்தியாவில் புதிய க்ரெட்டா ஃபேஸ்லிப்ட் வெர்ஷனை வெளியிடவிருப்பதாக அறிவிக்கிருக்கிறது ஹூண்டாய் நிறுவனம்.
2015ம் ஆண்டு இந்தியாவில் அறிமுகப்படுத்தப்பட்ட க்ரெட்டா மாடலின், இரண்டாம் தலைமுறை வெர்ஷனை 2020ம் ஆண்டு வெளியிட்டது ஹூண்டாய். தற்போது அதன் ஃபேஸ்லிப்ட் வெர்ஷனை தற்போது வெளியிடத் தயாராகி வருகிறது அந்நிறுவனம்.
ஹூண்டாய்
புதிய க்ரெட்டாவில் என்னென்ன மாற்றங்களை எதிர்பார்க்கலாம்?
புதிய க்ரெட்டா ஃபேஸ்லிப்ட் மாடலின் உட்பக்கமும், வெளிப்பக்கமும் பல்வேறு டிசைன் மாற்றங்கள் எதிர்பார்க்கப்படுகின்றன.
ஃபேஸ்லிப்ட் என்பதால் இன்ஜினில் எந்த வித மாற்றமும் இருக்காது என்ற தெரிகிறது. எனினும், டர்போசார்ஜ்டு பெட்ரோல் இன்ஜின் கொண்ட மாடல் ஒன்றும் இந்தப் புதிய ஃபேஸ்லிப்டின் மூலம் க்ரெட்டா லைன்அப்பில் இணையலாம் என எதிர்பார்க்கப்படுகிறது.
இது தவிர புதிய வசதிகள் சிலவற்றையும் புதிய க்ரெட்டா ஃபேஸ்லிப்ட் மாடலில் ஹூண்டாய் வழங்கலாம் என எதிர்பார்க்கப்படுகிறது. முக்கிமாக, ADAS பாதுகாப்பு வசதிகளை புதிய ஃபேஸ்லிப்டில் வழங்கவிருக்கிறது ஹூண்டாய்.
இந்தியாவில், சிட்ரன் C3 ஏர்கிராஸ், மாருதி சுஸூகி கிராண்டு விட்டாரா, டொயோட்டா அர்பன் க்ரூஸர் ஹைரைடர், ஸ்கோடா குஷாக் மற்றும் கியா செல்டோஸ் ஆகிய மாடல்களுக்குப் போட்டியாகக் களமிறங்கவிருக்கிறது புதிய க்ரெட்டா ஃபேஸ்லிப்ட்.