கே.எஃப்.சி, பாட்டா உள்ளிட்ட கடைகளை குறி வைக்கும் கும்பல்; மீண்டும் பதட்டத்தில் வங்கதேசம்
செய்தி முன்னோட்டம்
இந்த வார தொடக்கத்தில் காசாவில் இஸ்ரேலின் தாக்குதலுக்கு எதிராக வெடித்த புதிய போராட்டங்களை கண்டிக்கும் நோக்கத்தில் மீண்டும் வங்கதேசத்தில் போராட்டம் துவங்கியுள்ளது.
குறிப்பாக கே.எஃப்.சி, பாட்டா உள்ளிட்ட வணிக நிலையங்களை சூறையாடுவதாகவும் மாறியதால் வங்கதேச தலைநகர் டாக்கா மீண்டும் கொந்தளிப்பில் உள்ளது.
இஸ்ரேலுடன் தொடர்பு கொண்டதாக போராட்டக்காரர்களால் கருதப்பட்ட பாட்டா, கேஎஃப்சி, பிட்சா ஹட் மற்றும் பூமா போன்ற சர்வதேச பிராண்டுகளின் விற்பனை நிலையங்கள் அழிக்கப்பட்டு சூறையாடப்பட்டன.
இரண்டாவது போர் நிறுத்த ஒப்பந்தம் கடைபிடிக்கப்படாத நிலையில், காசா மீதான இஸ்ரேலின் தாக்குதலை தீவிரப்படுத்தியபோது, சில்ஹெட், சட்டோகிராம், குல்னா, பாரிஷால், குமிலா மற்றும் டாக்காவில் ஆயிரக்கணக்கானோர் பாலஸ்தீனியர்களுக்கு ஆதரவு தெரிவித்து வீதிகளில் இறங்கியபோது இந்த சம்பவம் நடந்தது.
போராட்டம்
கடந்த ஆண்டு நடந்த மாணவர் போராட்டத்திலிருந்து மீளாத பங்களாதேஷ்
கடந்த ஆண்டு பங்களாதேஷை குழப்பத்தில் ஆழ்த்திய மாணவர் போராட்டங்களை நினைவூட்டும் வகையில், இந்த அமைதியின்மை நிலவியது.
இதனால், போலீசார் திடீர் சோதனைகளை நடத்தி 70க்கும் மேற்பட்டவர்களை கைது செய்தனர்.
பொருளாதார மந்தநிலைக்கு மத்தியில் முதலீட்டாளர்களை ஈர்க்கும் வகையில், தலைமை ஆலோசகர் முகமது யூனுஸ் ஆட்சியின் கீழ் வங்கதேசம் தனது முதல் உலகளாவிய முதலீட்டு உச்சி மாநாட்டை நடத்தத் தயாராகி வரும் நிலையில் தற்போது மீண்டும் போராட்டம் துவங்கியுள்ளது கவலைகளை ஏற்படுத்தியுள்ளது.
தாக்குதல்
வங்கதேசத்தில் KFC, BATA கடைகள் ஏன் தாக்கப்பட்டன?
டாக்கா ட்ரிப்யூனில் வெளியான ஒரு அறிக்கையின்படி, KFC, Puma, Bata, Domino's, மற்றும் Pizza Hut போன்ற சர்வதேச சங்கிலித் தொடர்கள் இஸ்ரேலுடன் தொடர்புடையதாகக் கருதப்பட்டதால் குறிவைக்கப்பட்டன.
உண்மையில், அவர்களுக்கு யூத தேசத்துடன் எந்த தொடர்பும் இல்லை.
சமூக ஊடகங்களில் வைரலாகி வரும் காணொளிகளில், கும்பல்கள் பாட்டா ஷோரூமின் கண்ணாடி கதவுகளை செங்கற்களால் உடைத்து, பின்னர் டஜன் கணக்கானவர்களால் காலணிகளைக் கொள்ளையடிப்பதைக் காட்டுகிறது.
சில காலணிகள் பின்னர் பேஸ்புக் சந்தையில் கூட தோன்றியதாக பங்களாதேஷின் டிபிஎஸ் செய்தியில் வெளியான ஒரு செய்தி தெரிவிக்கிறது.
மற்றொன்று ஒரு KFC விற்பனை நிலையம் குச்சிகளால் சேதப்படுத்தப்பட்டதைக் காட்டுகிறது. பூமா மற்றும் டோமினோவின் பல கடைகளும் சேதப்படுத்தப்பட்டன.
எதிர்வினை
போராட்டங்களுக்கு பாட்டாவின் பதில்
செக் குடியரசு நிறுவனமான பாட்டா, இஸ்ரேல் பொறுக்கும் தனக்கும் எந்த தொடர்பும் இல்லை எனத்தெரிவித்துள்ளது.
1962 ஆம் ஆண்டு பங்களாதேஷில் தனது முதல் விற்பனை நிலையத்தைத் திறந்த பாட்டா, இந்த நாசவேலையைக் கண்டித்ததுடன், மோதலுடன் எந்த "அரசியல் தொடர்பும்" இல்லை என்பதை வலியுறுத்தியது.
"பாட்டா ஒரு இஸ்ரேலுக்குச் சொந்தமான நிறுவனம் அல்லது நடந்து வரும் இஸ்ரேல்-பாலஸ்தீன மோதலில் அரசியல் தொடர்புகளைக் கொண்டுள்ளது என்ற தவறான கூற்றுகளை நாங்கள் அறிவோம். பாட்டா என்பது செக் குடியரசில் நிறுவப்பட்ட ஒரு தனியார், குடும்பத்திற்குச் சொந்தமான நிறுவனம், மோதலுடன் எந்த அரசியல் தொடர்பும் இல்லை," என்று பாட்டா வங்காளதேச ஊடகங்களுக்கு வெளியிட்ட அறிக்கையில் தெரிவித்தது.
மற்றவை
தாக்குதலுக்கு உள்ளன மற்ற நிறுவனங்கள் கூறுவது என்ன?
பூமா ஒரு ஜெர்மன் பன்னாட்டு நிறுவனம். இருப்பினும், 2018ஆம் ஆண்டில் இஸ்ரேல் கால்பந்து சங்கத்திற்கு(IFA) நிதியுதவி செய்ததற்காக சமூக ஊடகங்களில் ஒரு பிரிவினரிடமிருந்து பூமா கடுமையான விமர்சனங்களை எதிர்கொண்டது.
இருப்பினும், அந்த ஒப்பந்தம் 2024இல் முடிவடைந்தது.
டோமினோஸ் ஒரு அமெரிக்க நிறுவனம், அதே நேரத்தில் வங்கதேசத்தில் அதன் உரிமையாளர்கள் இந்தியாவின் ஜூபிலண்ட் ஃபுட்வொர்க்ஸ் லிமிடெட் நிறுவனத்திற்குச் சொந்தமானவர்கள்.
இருப்பினும், பீட்சா நிறுவனத்தின் இஸ்ரேல் உரிமையாளர் கடந்த ஆண்டு இஸ்ரேலிய பாதுகாப்புப் படைகளுக்கு ஆதரவைத் தெரிவித்ததற்காக தாக்குதலுக்கு உள்ளானது.
KFC ஒரு அமெரிக்க நிறுவனம் மற்றும் இஸ்ரேலிலும் விற்பனை நிலையங்களைக் கொண்டுள்ளது. இருப்பினும், 2021ஆம் ஆண்டில் டெல் அவிவை தளமாகக் கொண்ட மார்க்கெட்டிங் நிறுவனமான டிக்டக் டெக்னாலஜிஸை கையகப்படுத்திய பிறகு, அது விமர்சனத்தையும் எதிர்கொண்டது.