இந்திய-சீன எல்லை அருகே இராணுவ வசதியை அதிகரிக்கும் சீனா
செய்தி முன்னோட்டம்
சீனாவின் இராணுவம் பற்றிய வருடாந்திர அறிக்கையை அமெரிக்காவின் பென்டகன் வெளியிட்டுள்ளது.
'மக்கள் சீனக் குடியரசை உள்ளடக்கிய இராணுவம் மற்றும் பாதுகாப்பு முன்னேற்றங்கள்- 2023' என்று இந்த அறிக்கைக்கு பெயரிடப்பட்டுள்ளது.
இந்த அறிக்கையின்படி, இந்திய-சீன எல்லையான உண்மையான கட்டுப்பாட்டுக் கோட்டில்(LAC) போக்குவரத்து வசதி மற்றும் பிற வசதிகளை சீனா அதிகரித்து வருகிறது.
இந்தியாவுடனான எல்லைப் பதற்றத்திற்கு மத்தியில், 2022ஆம் ஆண்டில் சீனா தனது இராணுவ பலத்தையும், இந்திய-சீன எல்லை அருகே போக்குவரத்து வசதியையும் அதிகரித்துள்ளதாக அமெரிக்கா தெரிவித்துள்ளது.
நிலத்தடி சேமிப்பு வசதிகள், புதிய சாலைகள், இரட்டை நோக்கம் கொண்ட விமான நிலையம் மற்றும் பல ஹெலிபேடுகள் ஆகியவற்றை கடந்த ஆண்டு இந்திய-சீன எல்லை அருகே சீனா அமைத்துள்ளது.
ஜபிட்வ்ட்ஜ்
சீனா புதிதாக அமைத்துள்ள கட்டமைப்புகள்
20 இந்திய வீரர்களைக் கொன்ற கல்வான் பள்ளத்தாக்கு மோதலுக்கு பிறகு, சீனாவின் வெஸ்டர்ன் தியேட்டர் கமாண்ட், இந்திய-சீன எல்லையில் இராணுவ மற்றும் போக்குவரத்து வசதிகளை அதிகரித்து வருவதாக அமெரிக்கா தெரிவித்துள்ளது.
மேலும், இந்த ஆண்டு முழுவதும் இந்த நடவடிக்கை தொடரும் என்றும் அமெரிக்கா அந்த அறிக்கையில் கூறியுள்ளது.
டோக்லாம் அருகே நிலத்தடி சேமிப்பு வசதிகள், LACஇன் மூன்று பிரிவுகளிலும் புதிய சாலைகள், அண்டை நாடான பூட்டானில் சர்ச்சைக்குரிய பகுதிகளில் புதிய கிராமங்கள், பாங்காங் ஏரியின் மீது இரண்டாவது பாலம், சென்டர் செக்டருக்கு அருகில் இரட்டை நோக்கம் கொண்ட விமான நிலையம் மற்றும் பல ஹெலிபேடுகள் ஆகியவை 2022ஆம் ஆண்டு பிறகு சீனா புதிதாக அமைத்துள்ளது.