சிட்னியில் உள்ள இந்து கோவிலை சிதைத்த இந்திய எதிர்பாளர்கள்
செய்தி முன்னோட்டம்
ஆஸ்திரேலியாவின் சிட்னியில் உள்ள ஒரு முக்கிய இந்து கோவிலின் சுவர்கள் இந்திய எதிர்ப்பு கிராஃபிட்டிகளால் இன்று(மே 5) சிதைக்கப்பட்டது.
இந்த மாத கடைசியில் பிரதமர் நரேந்திர மோடி ஆஸ்திரேலியாவிற்கு செல்ல இருக்கும் நிலையில், சிட்னியின் ரோஸ்ஹில்லில் உள்ள BAPS ஸ்ரீ ஸ்வாமிநாராயணன் கோவிலில் இந்த சம்பவம் நடந்துள்ளது.
ஆனால், இந்த சம்பவம் சரியாக எப்போது நடந்தது என்பது தெரியவில்லை.
கோவில் அதிகாரிகள் வாசலில் காலிஸ்தான் கொடி தொங்குவதைக் கண்டு, நியூ சவுத் வேல்ஸ்(NSW) போலீஸாருக்கு தகவல் தெரிவித்தனர்.
"சிட்னியின் ரோஸ்ஹில்லில் உள்ள BAPS ஸ்ரீ ஸ்வாமிநாராயணன் கோவில் சுவர்களை சமூக விரோதிகள் இந்திய எதிரப்பு கிராஃபிட்டிகளால் சிதைத்ததற்கு நாங்கள் மிகவும் வருத்துகிறோம்" என்று அந்த கோவில் தேவஸ்தானம் ஒரு அறிக்கையில் தெரிவித்துள்ளது.
details
சம்பவ இடத்திற்கு வந்து பார்வையிட்ட நாடாளுமன்ற உறுப்பினர்
"ஆஸ்திரேலியாவில் உள்ள BAPS கோவில்கள் குறிவைக்கப்படுவது எங்களுக்கு மேலும் வருத்தமளிக்கிறது. கடந்த 23 ஆண்டுகளாக, BAPS சுவாமிநாராயண் மந்திர் உள்ளூர் சமூகத்தின் ஆணிவேராக இருந்து வருகிறது. உலகெங்கிலும் உள்ள அனைத்து BAPS கோயில்களைப் போலவே, அமைதி, நல்லிணக்கம், சமத்துவம், தன்னலமற்ற சேவை மற்றும் உலகளாவிய இந்து மத விழுமியங்களின் உறைவிடமாக விளங்கும் ஒரு முக்கிய இந்து ஆலயம் இதுவாகும்." என்று மேலும் அந்த கோவில் தேவஸ்தானம் கூறியுள்ளது.
பரமட்டா நாடாளுமன்ற உறுப்பினர் ஆண்ட்ரூ சார்ல்டன், இந்த சம்பவம் குறித்து அவருக்குத் தெரிவிக்கப்பட்ட உடனேயே BAPS கோயிலுக்குச் சென்றதாக ஆஸ்திரேலியா டுடே செய்தித்தாள் தெரிவித்துள்ளது.
சார்ல்டன், கோயில் அதிகாரிகளுடன் சேர்ந்து சிதைக்கப்பட்ட சுவர்களுக்கு மீண்டும் பெயிண்ட் அடித்ததாக கூறப்படுகிறது.