ஜப்பான் நிலநடுக்கங்கள்: 33,000க்கும் மேற்பட்ட குடும்பங்கள் மின்சாரம் இல்லாமல் தவிப்பு; வடகொரியா, ரஷ்யாவுக்கு சுனாமி எச்சரிக்கை
செய்தி முன்னோட்டம்
மத்திய ஜப்பானில் தொடர்ச்சியான பெரிய பூகம்பங்கள் ஏற்பட்டதை அடுத்து நிலநடுக்கங்கள் ஏற்பட்ட பகுதிக்கு அருகில் உள்ள சுமார் 33,500 குடும்பங்கள் மின்சாரம் இல்லாமல் தவித்து வருகின்றன. ஜப்பானின் ஹொன்ஷூ தீவில் உள்ள டோயாமா, இஷிகாவா மற்றும் நிகாடா ஆகிய மாகாணங்கள் இன்று ஏற்பட்ட நிலநடுக்கங்களால் பாதிப்பட்டுள்ளன. ஜப்பானில் இன்று தொடர்ச்சியான நிலநடுக்கங்கள் ஏற்பட்டதை அடுத்து, சுனாமி எச்சரிக்கை விடுக்கப்பட்டது. மேலும், ஜப்பானின் வடமேற்கு கடற்கரையில் உள்ள மக்கள் வெளியேறுமாறு அதிகாரிகள் அறிவுறுத்தியுள்ளனர். நிலநடுக்கத்தின் மையப்பகுதியான இஷிகாவாவில் உள்ள நோட்டோவில் இருந்து 300 கிலோமீட்டர்களுக்குள் சுனாமி ஏற்படலாம் என்று கணிக்கப்பட்டுள்ளது. திங்கள்கிழமை மாலை 4:06 மணிக்கு(உள்ளூர் நேரப்படி) 5.7 ரிக்டர் அளவிலான நிலநடுக்கத்துடன் ஜப்பான் நிலநடுக்கம் தொடங்கியது.
டிவிய
வடகொரியா மற்றும் ரஷ்யாவில் சுனாமி எச்சரிக்கை
அதைத் தொடர்ந்து, மாலை 4:10 மணிக்கு(உள்ளூர் நேரப்படி) 7.6 ரிக்டர் அளவிலான நிலநடுக்கமும், மாலை 4:18 மணிக்கு (உள்ளூர் நேரப்படி) 6.1 ரிக்டர் அளவில் நிலநடுக்கமும், மாலை 4:23 மணிக்கு 4.5 ரிக்டர் அளவில்(உள்ளூர் நேரம்) நிலநடுக்கமும், 4.6 ரிக்டர் அளவில் நிலநடுக்கமும் ஏற்பட்டது. அதன் பிறகு, மாலை 4:29 மணிக்கு நிலநடுக்கமும், மாலை 4:32 மணிக்கு 4.8 ரிக்டர் அளவு நிலநடுக்கமும், அதைத் தொடர்ந்து 6.2 ரிக்டர் அளவில் மற்றொரு நிலநடுக்கமும் ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது. அதனை தொடர்ந்து, இஷிகாவா, நிகாடா மற்றும் டோயாமா மாகாணங்களின் மேற்கு கடற்கரைப் பகுதிகளுக்கு சுனாமி எச்சரிக்கை விடுக்கப்பட்டது. வடகொரியா மற்றும் ரஷ்யாவின் கிழக்கு நகரங்களுக்கும் சுனாமி எச்சரிக்கை விடுக்கப்பட்டுள்ளது.