அருணாச்சல பிரதேசத்தில் உரிமை கொண்டாடும் சீனா: புதிய மேப் வெளியிடபட்டதால் சர்ச்சை
செய்தி முன்னோட்டம்
அருணாச்சல பிரதேசத்தை தனது நாட்டின் ஒரு பகுதியாக பிரித்து ஒரு புதிய வரைபடத்தை சீனா வெளியிட்டிருப்பது சர்ச்சையை கிளப்பியுள்ளது. இது தவிர, பல்வேறு நாடுகளின் எல்லை பகுதிகளையும் தைவான் நாட்டையும் தனது நாட்டின் ஒரு பகுதியாக சீனா அறிவித்திருக்கிறது. தைவான் என்பது ஒரு தனி ஜனநாயக நாடாகும். இந்த நாடு, சீனாவில் இருந்து பிரிந்து வந்தவர்கள் நிறுவிய ஒரு நாடாக இருந்தாலும், தைவானை ஐநா உள்ளிட்ட உலக அமைப்புகள் தனி நாடாக அங்கீகரித்துள்ளது. ஆனால், பல காலமாக சீனா தைவானை தனது நாட்டின் ஒரு பகுதி கூறி வருகிறது. இதற்கு மேற்கத்திய நாடுகள் உட்பட பல ஜனநாயக நாடுகள் எதிர்ப்பு தெரிவித்து வருகின்றன.
பைப்வேகி
அருணாச்சல பிரதேசத்தை தெற்கு திபெத் என்று அறிவித்த சீனா
இந்நிலையில், ஒரு புதிய சீன வரைபடத்தை சீனா வெளியிட்டுள்ளது. அந்த வரைபடத்தில், இந்தியாவின் அருணாச்சல பிரதேசத்தை தெற்கு திபெத் என்று சீனா குறிப்பிட்டிருக்கிறது. 60 ஆண்டுகளுக்கு முன்பு நடந்த சீன- இந்திய போரின் போது தொடங்கிய பிரச்சனைகளால் இப்போது வரை இந்திய-சீன எல்லைகளில் பதட்டம் நிலவி வருகிறது. ஏற்கனவே, இந்த போரின் போது காஷ்மீர்-லடாக் பகுதியில் உள்ள அக்ஷய் சின் என்ற பகுதியை சீனா கைப்பற்றியது. அந்த பகுதி தற்போது வரை சீனாவின் கட்டுப்பாட்டில் தான் உள்ளது. அதன் பிறகும், அருணாச்சல பிரதேசம் போன்ற பகுதிகளை கைப்பற்ற சீனா முயன்று வருகிறது. அதிக நிலப்பரப்பு கொண்ட நாடுகளில் மூன்றாம் இடத்தில் இருக்கும் சீனாவின் 43% நிலப்பரப்புகள் ஆக்கிரமிப்புகளால் கிடைத்தவை என்பது குறிப்பிடப்பதக்கது.