காஸாவுக்கு நிவாரண உதவிகளை அனுப்ப எகிப்து ஒப்புதல்- பைடன் தகவல்
செய்தி முன்னோட்டம்
போரால் பாதிக்கப்பட்டுள்ள காஸா மக்களுக்கு, வரையறுக்கப்பட்ட உதவிகளை அனுப்ப எகிப்து ஒப்புக்கொண்டுள்ளதாக அமெரிக்க அதிபர் ஜோ பைடன் தெரிவித்துள்ளார்.
தனது இஸ்ரேல் பயணத்தை முடித்துவிட்டு நாடு திரும்பும் முன், எகிப்து ஜனாதிபதி அப்துல் ஃபத்தா அல்-சிசி உடன் தொலைபேசியில் பைடன் உரையாடினார்.
அதில் எகிப்து ஜனாதிபதி, 'ரஃபா எல்லை' வழியாக 20 லாரிகளில் நிவாரண உதவிகளை கொண்டு செல்ல ஒப்புதல் வழங்கியுள்ளார்.
'ரஃபா எல்லை' காஸா, எகிப்துடன் கொண்டுள்ள தரைவழி எல்லை பகுதியாகும் என்பது குறிப்பிடத்தக்கது.
இஸ்ரேல்- பாலஸ்தீனியம் போர் தொடங்கும் முன், நாள் ஒன்றுக்கு 400 காஸா மக்கள் 'ரஃபா எல்லை' வழியாக எகிப்துக்குள் செல்ல முடியும்.
போர் தொடங்கிய பின் இந்த எல்லையை எகிப்து மூடியது குறிப்பிடத்தக்கது.
2nd card
இஸ்ரேல் பதில்தாக்குதல் நடத்துவதற்கு உரிமை உள்ளது- பைடன்
அமெரிக்க அதிபர் பைடன் நேற்று இஸ்ரேலின் டெல் அவிவ் நகரில், இஸ்ரேல் பிரதமர் பெஞ்சமின் நெதன்யாகுவை சந்தித்து தனது ஆதரவை பதிவு செய்தார்.
பின் பேசிய பைடன், இஸ்ரேல் "மோசமாக பாதிக்கப்பட்டுள்ளதால்", ஹமாஸ் அமைப்பு மீது தாக்குதல் நடத்த அதற்கு உரிமை உண்டு என கூறினார்.
காஸாவின் அல்-அஹ்லி அரபு மருத்துவமனை மீதான தாக்குதலை இஸ்ரேல் மறுத்துள்ள நிலையில், அதை அமெரிக்க அதிபரும் உறுதிப்படுத்தினார்.
இந்த தாக்குதலில் 470-க்கும் மேற்பட்டோர் கொல்லப்பட்டதாக பாலஸ்தீனிய சுகாதார அமைச்சகம் தெரிவித்திருந்தது. ஆனால் இஸ்ரேல் ஒரு டஜனுக்கும் குறைவான மக்களே இதில் உயிரிழந்ததாக கூறியுள்ளது.
அதேசமயம், மருத்துவமனை மீதான தாக்குதல் தன்னை "ஆழ்ந்த வருத்தமும் சீற்றமும்" அடையச்செய்துள்ளதாக பைடன் பேசியது குறிப்பிடத்தக்கது.
3rd card
பாலஸ்தீனியர்களுக்கு நிவாரண நிதி அறிவித்த பைடன்
அமெரிக்க அதிபர் பைடன், போரால் பாதிக்கப்பட்டுள்ள பாலஸ்தீனிய மக்களுக்கு 100 மில்லியன் அமெரிக்க டாலர்கள் நிவாரணமாக வழங்கப்படும் என அறிவித்தார்.
இது தொடர்பான விஷயங்களை நன்கு அறிந்தவர், ராய்ட்டர்ஸ் செய்தி முகமை இடம் அளித்த தகவலின் படி, அமெரிக்க அதிபர் வெள்ளிக்கிழமைக்குள் 10 பில்லியன் டாலர்களை இஸ்ரேலுக்கு வழங்க நாடாளுமன்றத்தில் ஒப்புதல் பெறுவது குறித்து ஆலோசித்து வருவதாக தெரிவித்தார்.
கடந்த அக்டோபர் 7 ஆம் தேதி ஹமாஸ் இஸ்ரேல் மீது நடத்திய தாக்குதலுக்குப் பின், பாலஸ்தீனிய மக்களுக்கு அத்தியாவசிய பொருட்கள் செல்வதை இஸ்ரேல் தடை செய்துள்ளது குறிப்பிடத்தக்கது.