ஐபிஎல் 2023 : ரீஸ் டோப்லிக்கு பதிலாக வெய்ன் பார்னெலை ஒப்பந்தம் செய்தது ஆர்சிபி
தென்னாப்பிரிக்காவின் மூத்த ஆல்-ரவுண்டர் வெய்ன் பார்னெல் காயமடைந்த ரீஸ் டோப்லிக்கு பதிலாக ராயல் சேலஞ்சர்ஸ் பெங்களூர் (ஆர்சிபி) அணியில் இணைந்துள்ளார். ஆர்சிபியின் இந்தியன் பிரீமியர் லீக் (ஐபிஎல்) 2023 தொடக்க ஆட்டத்தில் மும்பை இந்தியன்ஸ் அணிக்கு எதிரான போட்டியில் டாப்லி தோள்பட்டையில் காயம் அடைந்து வெளியேறினார். இந்நிலையில் அவர் நீக்கப்பட்டு அவருக்கு பதிலாக மூத்த வீரர் வெய்ன் பார்னெல் அணியில் சேர்க்கப்பட்டுள்ளார். டி20 கிரிக்கெட்டில் பார்னெல் 257 ஆட்டங்களில் 259 விக்கெட்டுகளை 7.85 என்ற எகானமியில் எடுத்துள்ளார். பேட்டிங்கில் 123.65 ஸ்ட்ரைக் ரேட்டில் 1,887 ரன்கள் குவித்துள்ளார். பார்னெல் இதற்கு முன்பு ஐபிஎல்லில் கடைசியாக 2014 இல் விளையாடியுள்ளார்.
