கத்துக்குட்டி அணியிடம் டி20 தொடரை இழந்தது வங்கதேசம்; ஐக்கிய அரபு எமிரேட்ஸ் அசத்தல் வெற்றி
செய்தி முன்னோட்டம்
வரலாற்று சிறப்பு மிக்க வெற்றியாக, புதன்கிழமை (மே 21) அன்று ஷார்ஜாவில் நடந்த மூன்று போட்டிகள் கொண்ட டி20 கிரிக்கெட் தொடரின் கடைசி போட்டியில் வங்கதேசத்தை வீழ்த்தி ஐக்கிய அரபு எமிரேட்ஸ் அணி முதல் முறையாக டி20 தொடரை 2-1 என்ற கணக்கில் வென்றது. முன்னதாக, தொடரின் தொடக்க ஆட்டத்தில் தோல்வியடைந்த பிறகு, ஐக்கிய அரபு எமிரேட்ஸ் அணி தொடர்ச்சியான வெற்றிகளைப் பெற்று சர்வதேச கிரிக்கெட்டில் தங்கள் வளர்ந்து வரும் திறமையை வெளிப்படுத்தியது. தொடரைத் தீர்மானிக்கும் கடைசி போட்டியில் இடது கை சுழற்பந்து வீச்சாளர் ஹைதர் அலி தலைமையில் ஐக்கிய அரபு எமிரேட்ஸின் பந்துவீச்சு செயல்திறன் சிறப்பாக இருந்தது. அவர் நான்கு ஓவர்களில் 7 ரன்களை மட்டுமே விட்டுக்கொடுத்து 3 விக்கெட்டுகளை வீழ்த்தினார்.
வங்கதேச கிரிக்கெட் அணி
வங்கதேச கிரிக்கெட் அணியின் பரிதாப நிலை
தான்சித் ஹசன் 18 பந்துகளில் 40 ரன்கள் எடுத்த போதிலும், பவர்பிளேயில் வங்கதேச கிரிக்கெட் அணி பேட்டிங்கில் தடுமாறி, 57/5 என்ற கணக்கில் சரிந்தது. ஜேக்கர் அலி மற்றும் ஷோரிஃபுல் இஸ்லாம் தலைமையிலான மிடில் மற்றும் லோயர் ஆர்டர் அணி ஸ்கோரை 162 ரன்களுக்கு உயர்த்த முடிந்தது. ஆனால் 180-185 ரன்கள் எடுக்கும் என்று எதிர்பார்க்கப்பட்ட மைதானத்தில் அது மிகவும் மோசமாக இருந்தது. ஐக்கிய அரபு எமிரேட்ஸின் வெற்றிக்கு அலிஷான் ஷரஃபு நங்கூரமிட்டார், அவர் 144 ஸ்ட்ரைக் ரேட்டுடன் சரியான ஆட்டத்தை வெளிப்படுத்தினார். பின்னர் ஆசிப் கான் 26 பந்துகளில் ஐந்து சிக்ஸர்கள் உட்பட 41 ரன்கள் எடுத்தது, இறுதி ஓவரில் ஐக்கிய அரபு எமிரேட்ஸின் வெற்றியை உறுதிப்படுத்த உதவியது.