ஸ்போர்ட்ஸ் ரவுண்டு அப்: இன்றைய ட்ரெண்டிங் விளையாட்டு செய்திகள்
செய்தி முன்னோட்டம்
சமீபத்தில் நடந்து முடிந்த ஆஸ்திரேலியா ஓபன் டென்னிஸ் போட்டியில், இரட்டையர் பிரிவில் கிராண்ட்ஸ்லாம் பட்டத்தை வென்றதன் மூலமாக, இரட்டையர் தரவரிசையில் 43 வயதான இந்திய வீரர் ரோஹன் போபண்ணா 'நம்பர் 1' இடத்தை பிடித்துள்ளார்.
தரவரிசை பட்டியலில் முதல் இடத்திற்கு முன்னேறியுள்ள போப்பண்ணா, தரவரிசையில் முதல் இடத்தை பிடித்த அதிக வயதுடைய நபர் என்ற பெருமையையும் பெற்றுள்ளார்.
சர்வதேச டென்னிஸ் சங்கம், டென்னிஸ் வீரர், வீராங்கனைகளின் புதிய தரவரிசை பட்டியலை நேற்று வெளியிட்டது. அதில் ஆண்கள் ஒற்றையர் பிரிவில் முதல் 5 இடங்களில் எந்த மாற்றமுமில்லை.
முதலிடத்தில் செர்பியா வீரர் நோவக் ஜோகோவிச் தொடர்கிறார். இரண்டாம் இடத்தில், ஸ்பெயின் நாட்டின் கார்லஸ் அல்காரஸ்,3-வது இடத்தில் ரஷ்யாவின் டேனில் மெட்விடேவ் ஆகியோர் உள்ளனர்.
ரிஷப் பண்ட்
விபத்து குறித்து மனம் திறந்த ரிஷப் பண்ட்
இந்திய கிரிக்கெட் அணியின் முன்னாள் விக்கெட் கீப்பரும், நட்சத்திர பேட்ஸ்மேனுமான ரிஷப் பண்ட், கடந்த 2022ஆம் ஆண்டு டிசம்பர் 30ஆம் தேதி அதிகாலை பயங்கரமான கார் விபத்தில் சிக்கினார்.
தனது சொந்த ஊரான உத்தரகாண்ட்டின் ரூர்கிக்கு, தனது சொகுசு காரில் பயணம் செய்த போது இந்த விபத்து நேர்ந்தது.
இது குறித்து பிசிசிஐக்கு அவர் அளித்த பேட்டி இன்னும் ஓரிரு தினங்களில் ஒளிபரப்பாகவிருக்கிறது.
இது குறித்த ப்ரோமோ வீடியோ நேற்று வெளியானது. அதில், விபத்து நேர்ந்தபோது அவருக்கு இருந்த மனநிலை மற்றும் அதிலிருந்து அவர் மீண்ட விதத்தை பற்றி பேசியுள்ளார்.
இந்த ப்ரோமோ வீடியோ தற்போது வைரலாகி வருகிறது.
துப்பாக்கி சுடுதல்
உலகக் கோப்பை துப்பாக்கி சுடுதல்: இந்தியா வீராங்கனை சோனமிற்கு வெள்ளிப்பதக்கம்
எகிப்து தலைநகரான கெய்ரோவில் நடைபெற்று வரும் சர்வதேச துப்பாக்கி சுடுதல் உலகக் கோப்பை தொடரில் மகளிருக்கான 10 மீட்டர் ஏர் ரைபிள் பிரிவு இறுதிப் போட்டியில் இந்தியாவின் சோனம் மஸ்கர் 252.1 புள்ளிகள் பெற்று வெள்ளிப் பதக்கம் வென்றார்.
சோனம் மஸ்கர் பங்கேற்கும் முதல் உலகக் கோப்பை தொடர் இது என்பது குறிப்பிடத்தக்கது.
இந்த போட்டியில், ஜெர்மனியின் அனா ஜான்சன் 253 புள்ளிகளுடன் தங்கப் பதக்கமும், போலந்தின் அனெட்டா ஸ்டாங்கிவிச் 230.4 புள்ளிகளுடன் வெண்கலப் பதக்கமும் கைப்பற்றினர்.
வாலிபால்
வாலிபால் லீக் போட்டி, பிப்.,15ஆம் தேதி சென்னையில் துவங்குகிறது
ஐ.பி.எல். பாணியில் உள்நாட்டு வீரர்களுடன், வெளிநாட்டினரும் இணைந்து போட்டியிடும் பிரைம் வாலிபால் லீக் போட்டி 3-வது சீசன், வரும் பிப்ரவரி 15ஆம் தேதி முதல் மார்ச் 21ஆம் தேதி வரை சென்னை நேரு உள்விளையாட்டு அரங்கில் நடைபெறவுள்ளது.
இந்த போட்டியில் 9 அணிகள் பங்குபெறவுள்ளன.
அவை, ஆமதாபாத் டிபென்டர்ஸ், பெங்களூரு டார்படோஸ், கோழிக்கோடு ஹீரோஸ், சென்னை பிளிட்ஸ், ஐதராபாத் பிளாக் ஹாக்ஸ், கொச்சி புளூ ஸ்பைக்கர்ஸ், கொல்கத்தா தண்டர்போல்ட்ஸ், மும்பை மீட்டியார்ஸ், மற்றும் டெல்லி டூபான்ஸ் ஆகியவை ஆகும்.