ஸ்போர்ட்ஸ் ரவுண்டுஅப்: இன்றைய ட்ரெண்டிங் விளையாட்டு செய்திகள்
செய்தி முன்னோட்டம்
கென்யாவை சேர்ந்த பிரபல மாரத்தான் ஓட்டப்பந்தய வீரரான கெல்வின் கிப்தும், நேற்று நடைபெற்ற கார் விபத்தில் பலியானார்.
கெல்வின், கடந்த ஆண்டு அக்டோபர் மாதம் நடந்த அமெரிக்காவின் சிகாகோ மாகாணத்தில் நடைபெற்ற மாரத்தான் போட்டியில் பந்தய தூரத்தை (42.195 கிலோ மீட்டர்) 2 மணி 35 வினாடியில் கடந்து புதிய உலக சாதனை படைத்தார்.
பல சர்வதேச போட்டிகளில் முதலிடத்தை பிடித்த 24 வயதான கெல்வின், வருகிறார் பாரிஸ் ஒலிம்பிக்கில் தங்கப்பதக்கம் வெல்வார் என்று எதிர்பார்க்கப்பட்டது.
இந்த நிலையில் மேற்கு கென்யாவில் நடந்த கார் விபத்தில், சம்பவ இடத்திலேயே கெல்வின் கிப்தும் மற்றும் அவரது பயிற்சியாளரும் பலியானது, கென்யா மக்களை அதிர்ச்சியில் ஆழ்த்தியுள்ளது
ரஞ்சி கோப்பை
தமிழகம்- கர்நாடகாவிற்கு இடையேயான போட்டி ட்ரா
ரஞ்சி கோப்பை கிரிக்கெட் தொடரில் 'சி' பிரிவில் இடம் பெற்றுள்ள தமிழகம் - கர்நாடகா அணிகள் இடையிலான ஆட்டம் சென்னையில் நடைபெற்றது.
இந்த போட்டி டிராவில் முடிவடைந்தது. போட்டியின் முடிவில், முதல் இன்னிங்ஸில் முன்னிலை பெற்றதனால், கர்நாடக அணிக்கு 3 புள்ளிகளும், போட்டியை டிரா செய்ததனால், தமிழக அணிக்கு ஒரு புள்ளியும் வழங்கப்பட்டது.
இதுவரை 6 ஆட்டங்களில் விளையாடியுள்ள கர்நாடகா அணி 3 போட்டிகளில் வெற்றி பெற்றுள்ளது, ஒரு போட்டியில் தோல்வியும், 2 போட்டிகளை டிரா செய்தும் உள்ளதனால், 24 புள்ளிகள் பெற்று 'சி' பிரிவில் முதலிடத்தில் உள்ளது.
கிரிக்கெட்
IND vs ENG டெஸ்ட் போட்டி: கே.எல் ராகுல் விலகல்
இன்னும் இரு தினங்களில், இந்தியா மற்றும் இங்கிலாந்து அணிகளுக்கு இடையேயான மூன்றாவது டெஸ்ட் போட்டி நடைபெறவுள்ளது.
இந்நிலையில், இந்தப் போட்டியில் இருந்து கே.எல்.ராகுல் விலகி உள்ளார். அவருக்கு பதிலாக, தேவ்தத் படிக்கல் அணியில் சேர்க்கப்பட்டுள்ளார்.
இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாடி வருகிறது.
முதல் போட்டியில் இங்கிலாந்தும், இரண்டாவது போட்டியில் இந்தியாவும் வெற்றி பெற்றன.
மூன்றாவது போட்டி வியாழக்கிழமை ராஜ்கோட்டில் நடைபெறும்.
டென்னிஸ்
சர்வதேச டென்னிஸ் தரவரிசையில், இந்திய வீரர் சுமித் நாகல் 98-வது இடத்துக்கு முன்னேறினார்
நேற்று வெளியான ஏடிபி ஆடவர் ஒற்றையர் தரவரிசை பட்டியலில் இந்தியாவின் சுமித் நாகல், 23 இடங்கள் முன்னேறி 98-வது இடத்தை பிடித்துள்ளார்.
ஏடிபி சாலஞ்சர் சென்னை ஓபன் தொடரை வென்றதன் மூலம் அவர் 2019-ஆம் ஆண்டுக்குப்பிறகு ஏடிபி தரவரிசையில் முதல் 100 இடங்களுக்குள் முன்னேறியுள்ள இந்திய வீரர் என்ற பெருமையையும் பெற்றுள்ளார்.
ஏடிபி சாலஞ்சர் சென்னை ஓபன் தொடரை வென்ற பின்னர் சுமித் நாகல் கூறும்போது,"ஒவ்வொரு டென்னிஸ் வீரரின் கனவும் குறைந்தபட்சம் முதல் 100இடங்களுக்குள் வர வேண்டும் என்பதுதான். நான் முன்பு கூறியது போல், சொந்த நாட்டில், சொந்த ரசிகர்கள் முன்னிலையில் சாம்பியன் பட்டம் வெல்வதைவிட சிறப்பானது வேறு ஒன்றும் இல்லை. கடந்த ஆண்டு தரவரிசையில் 500-வது இடத்தில் இருந்தேன்" என தெரிவித்துள்ளார்.