ஒருநாள் உலக கோப்பை, SA vs NED: பந்துவீச்சைத் தேர்வு செய்தது தென்னாப்பிரிக்கா
செய்தி முன்னோட்டம்
2023 ஒருநாள் உலக கோப்பை கிரிக்கெட் தொடரின் 15வது போட்டியில் இன்று தென்னாப்பிரிக்கா மற்றும் நெதர்லாந்து அணிகள் பலப்பரீட்சை செய்கின்றன.
இதுவரை உலக கோப்பை தொடர்களில் இவ்விரண்டு அணிகளும் மோதிய மூன்று போட்டிகளிலும் தென்னாப்பிரிக்க அணியே வெற்றி பெற்றிருக்கிறது.
கடந்தாண்டு நடைபெற்ற டி20 உலகக்கோப்பைத் தொடரில், தென்னாப்பிரிக்க அணியை வீழ்த்தி, குழுச் சுற்றிலேயே தென்னாப்பிரிக்காவை வெளியேற்றியது நெதர்லாந்து கிரிக்கெட் அணி.
தற்போது தரம்சாலாவில் இவ்விரண்டு அணிகளும் மோதவிருக்கின்றன. மழையின் காரணமாக இன்றைய போட்டிக்கான டாஸ் இருமுறை தள்ளிவைக்கப்பட்டு தற்போது 2.30 மணிக்கு நடைபெற்றிருக்கிறது. இதனைத் தொடர்ந்து போட்டியானது 3 மணிக்கு தொடங்கவிருக்கிறது.
கிரிக்கெட்
டாஸ் வென்ற தென்னாப்பிரிக்கா:
இன்றைய போட்டிக்கான டாஸை வென்ற தென்னாப்பிரிக்க அணியின் கேப்டன் டெம்ப பவுமா முதல் பந்துவீச்சைத் தேர்வு செய்திருக்கிறார். இரு அணிகளின் விளையாடும் வீரர்களின் பட்டியல் பின்வருமாரு.
நெதர்லாந்து: விக்ரம்ஜித் சிங், மேக்ஸ் ஓ டவுடு, காலின் ஆக்கர்மன், பாஸ் டீ லீடு, தேஜா நிடமனுரு, ஸ்காட் எட்வர்ட்ஸ், சைபார்டு எங்கல்பிரிட்ச், லோகன் வான் பீக், ரோல்ஃப் வான் டர் மெர்வீ, ஆர்யன் டட் மற்றும் பால் வான் மேக்கரீன்.
தென்னாப்பிரிக்கா: குவிண்டன் டீ காக், டெம்ப பவுமா, ராசி வான் டர் டசன், எய்டன் மார்க்ரம், ஹென்ரிச் கிளாஸன், டேவிட் மில்லர், மார்கோ யான்சன், ஜெரால்டு கோயெட்ஸீ, கேஷவ் மகாராஜ், காகிசோ ரபாடா மற்றும் லுங்கி இங்கிடி.