ஐபிஎல் 2023 : ஆர்சிபி அணிக்காக 800 ரன்களை எடுத்த எட்டாவது வீரர் என்ற சாதனை படைத்த டு பிளெஸ்ஸிஸ்
செய்தி முன்னோட்டம்
ஐபிஎல் 2023 சீசனில் பஞ்சாப் கிங்ஸ் அணிக்கு எதிரான போட்டியில் ஃபாஃப் டு பிளெஸ்ஸிஸ் தனது சிறப்பான ஆட்டத்தை வெளிப்படுத்தி அரைசதம் அடித்தார். வியாழக்கிழமை பஞ்சாப் கிங்ஸுக்கு எதிராக ராயல் சேலஞ்சர்ஸ் பெங்களூர் அணியின் இம்பாக்ட் வீரராக பேட்டிங்கில் களமிறங்கிய டு பிளெஸ்ஸிஸ், 56 பந்துகளில் 84 ரன்கள் எடுத்தார். இந்த சீசனில் ஆறு ஆட்டங்களில், டு பிளெஸ்ஸிஸ் 68.60 சராசரியில் 166.50 ஸ்ட்ரைக் ரேட்டில் 343 ரன்கள் குவித்துள்ளார். இதில் நான்கு முறை அரைசதங்களை எட்டியுள்ளார். தற்போது வரை 300 ரன்களுக்கு மேல் எடுத்த ஒரே வீரர் இவர்தான் என்பது குறிப்பிடத்தக்கது. மேலும் நடப்பு ஐபிஎல் சீசனில் ஃபாஃப் 25 பவுண்டரிகள் மற்றும் 23 சிக்ஸர்களை அடித்துள்ளார்.
faf du plessis record in ipl
ஐபிஎல்லில் ஃபாஃப் டு பிளெஸ்ஸிஸின் சாதனைகள்
டு பிளெஸ்ஸிஸ் ஐபிஎல்லில் இதுவரை 122 போட்டிகளில், 36.36 சராசரியில் 3,746 ரன்கள் எடுத்துள்ளார். பஞ்சாப் கிங்ஸ் அணிக்கு எதிரான அரைசதம் மூலம் ஐபிஎல்லில் தனது 29வது அரைசதத்தை பதிவு செய்தார். மேலும் பஞ்சாப் கிங்ஸுக்கு எதிராக, 61.23 சராசரியில் 796 ரன்கள் எடுத்துள்ளார். பஞ்சாப் கிங்ஸ் அணிக்கு எதிராக 9 அரைசதங்களை விளாசியுள்ளார். இதன் மூலம் ராபின் உத்தப்பாவின் 772 ரன்களை முறியடித்து, பஞ்சாப் அணிக்கு எதிராக ஆறாவது அதிக ஸ்கோர் அடித்தவர் எனும் பெருமையை பெற்றுள்ளார். ஆர்சிபிக்காக 800 ரன்களை கடந்து புதிய மைல்கல்லை எட்டியுள்ளார். அவர் 40.55 சராசரியில் 811 ரன்கள் எடுத்துள்ளார். ஆர்சிபிக்காக 800க்கும் மேற்பட்ட ரன்களை எடுத்த எட்டாவது வீரர் என்ற பெருமையை பெற்றுள்ளார்.