பாரீஸ் ஒலிம்பிக்: துப்பாக்கி சுடுதலில் ஸ்வப்னில் குசலே வெண்கலப் பதக்கம்
2024 பாரிஸ் ஒலிம்பிக்ஸ் போட்டியில் இன்று, வியாழன் அன்று நடந்த ஆடவர் 50m ரைபிள் 3 பொசிஷன்ஸ் இறுதிப் போட்டியில் இந்தியாவின் துப்பாக்கி சுடும் வீரர் ஸ்வப்னில் குசலே மூன்றாவது இடத்தைப் பிடித்து இந்தியாவின் மூன்றாவது பதக்கத்தைப் பெற்றார். கடுமையான போட்டிக்கு மத்தியில் குசலே சிறப்பான ஆட்டத்தை வெளிப்படுத்தி, இறுதிப் போட்டியில் 451.4 புள்ளிகளைப் பெற்று மூன்றாவது இடத்தைப் பெற்றார். ஆடவர் 50 மீட்டர் ரைபிள் 3 பொசிஷன்ஸ் போட்டியில் ஒலிம்பிக்கில் பதக்கம் வென்ற முதல் இந்திய துப்பாக்கி சுடும் வீரர் என்ற பெருமையை ஸ்வப்னில் பெற்றுள்ளார். இந்திய துப்பாக்கி சுடுதல் அணி ஒரே பதிப்பில் மூன்று பதக்கங்களை வென்றது இதுவே முதல் முறையாகும்.
