விம்பிள்டன் இறுதிப்போட்டியில் தோல்வி; கண்ணீர் விட்டு அழுத நோவக் ஜோகோவிச்
செய்தி முன்னோட்டம்
விம்பிள்டன் 2023 ஆடவர் டென்னிஸ் ஒற்றையர் பிரிவு இறுதிப் போட்டியில், நான்கு மணி நேரத்திற்கும் மேலாக நீடித்த ஆட்டத்தில் கார்லோஸ் அல்கராஸ் 1-6, 7-6(6), 6-1, 3-6, 6-4 என்ற செட் கணக்கில் நோவக் ஜோகோவிச்சை தோற்கடித்து பட்டம் வென்றார்.
இதன் மூலம் விம்பிள்டனில் தனது முதல் பட்டத்தை வென்றுள்ள கார்லோஸ் அல்கராஸ், மொத்தம் இரண்டு கிராண்ட்ஸ்லாம் பட்டங்களை தன்வசம் வைத்துள்ளார்.
இதற்கு முன்னதாக 2022 யுஎஸ் ஓபன் தொடரில் தனது முதல் கிராண்ட்ஸ்லாம் பட்டத்தை வென்றிருந்தது குறிப்பிடத்தக்கது.
இதற்கிடையே விம்பிள்டனில் தொடர்ச்சியாக 5வது பட்டம் வெல்லும் வாய்ப்பை இழந்த நோவக் ஜோகோவிச், தோல்வியை ஜீரணிக்க முடியாமல், நேர்காணலின்போது கண்ணீர் விட்டு அழுதார்.
novak djokovic tears
ஒரு சிறந்த வீரரிடம் தோற்றதாக கூறிய நோவக் ஜோகோவிச்
போட்டிக்கு பிறகு பேசிய நோவக் ஜோகோவிச், ""நான் களிமண் மற்றும் கடினமான மைதானத்தில் மட்டுமே கார்லோஸ் அல்கராஸுடன் சிக்கல் இருப்பதாக நினைத்தேன். ஆனால் இப்போது விம்பிள்டன் புல்லில் கூட அவர் அற்புதமாக மாற்றியமைத்தார்.
இதுபோன்ற போட்டிகளில் நாம் ஒருபோதும் தோற்க விரும்புவதில்லை. தோல்வி குறித்த எல்லா உணர்ச்சிகளும் தீர்ந்தவுடன் நான் கார்லோஸை வாழ்த்த வேண்டும்.
இன்று நான் ஒரு சிறந்த வீரரிடம் தோற்றேன் என்பதில் மாற்றுக் கருத்து இல்லை." என்றார்.
ஜோகோவிச் தனது குடும்பத்தினருக்கு ஏதேனும் சொல்ல விரும்புகிறாரா என கேட்டதற்கு, "என் மகன் இன்னும் சிரித்துக் கொண்டே இருப்பதைப் பார்ப்பது மகிழ்ச்சி அளிக்கிறது" என்று பதிலளித்தார்.
ஜோகோவிச்சின் மனைவி ஜெலினா மற்றும் மகன் ஸ்டீபனும் மைதானத்திற்கு நேரில் வந்திருந்தது குறிப்பிடத்தக்கது.